Təkfiri cərəyonon
Təkfiri cərəyonon
Dəvardə bərnomədə Suriyədə çı Ənnusrə və DAİŞ terroristə qrupon kəno bə co terroristə dastəon işorə kardemone və votemone ki,ın terroriston çı Avropə,Afrikə,Amerkə,Avstraliyə iyən Mərkəzi Asiyə və Ğəfğaziku de Tırkiyə marzon vositə bə İrağ iyən Suriyə kişvəri daxil bıən. ın terroriston həm çı dınyo 80-90 qılə kişvəronkuon ki,ımon həm Suriyədən.bə ərəbi kişvəron doə rəğəmon əsos,şın terroriston həm əslə məğsəd DAİŞ terroristə qrupe.bın terroristə qrupoədə bıə fərdon həm 72 fayiz həm ərəbi kişvəronkuon və çın 72 fayizi həm 25 fayiz həm Səudiyyə Ərəbıstoni şəhrvandonin.Suriyədə Səudiyyə Ərəbıstoniku bıə terroriston bə 20-22 həzo nəfəri nezi ğeyd bıə.....
Ali-Səud de Tırkiyə iyən ğərbi kişvəron himoyə Suriyəş boştə hədəfon bənav bardero və çı seonist rejimi mığobilıədə mandə mığoviməti mehvər və mərkəzi darışteyro bə qıləy ozodə meydoni peqordıney dumo be. Ali-Səud bə şiəyon ələyh nığılə kin-kudurətış heste və İroni İslomi İnğılobi zəmoni bəpeştə məntəğədə şiyəfobiyə iyən bə anti-şiyə siysoətonış barde.hejo bəsə ərəbonsə ğalib omə ğeyri-ğanuni bə əməl omə de seonist rejimi canqədə Hizbullah mığovimət dayirə səbarzəti bə Ərəbıstoni norohətçəti boyis bıə. İroni İslomi Respublikə həm ıştə səbarzəti sıftəku ıştə əslə şuaronku qıləyniş de seonist rejimi mıborizə bardeyış elon karde.Ali-Səud bə mığoviməti mehvər və dayirə qıləy nığlə kin-kudurətış heste. həmonə bın miyono Suriyə devlət həm mığoviməti dayirə vey çokə formadə himoyə kardedəbe.Suriyə canqi meydon bo Səudiyyəvıjon qıləy fırsət be ta mığoviməti mehvəri darışton.əmmo,əvon bın royədə bəştə piyə çiyon rəsey nızınin.Suriyə duston bəçəy komək şin və nıhaşteşone ki,çı təkfiri iyən terroriston yolon roya və oruzon məntəğədə bə həyğət bırəso iyən real bıbu.Suriyədə çı Ərəbıston,Tırkiyə iyən co ərəbi və ğərbi kişvəron hiomoyədə bıə təkfiri iyən terroristə dastəon çanədə ıştə həmləopnışon ziyod kardebu, anədə həm de mıpğoviməti mehvəri əzmkorəti dimbədim omin və əvon əyo de bənə şəhron viron kardey iyən co cinoyətkorə koon məşğul bin ta milləti çəşi bıtorsınon və çəvon irodə və əzmkorəti darışton.jıləvoni əvon çı xarici kişvəronku omə terroriston mığdorışon ziyod karde ta bəlkəm bəştə yavə hədəfon bırəson. Ənnusrə və DAİŞ terroristə qrupon ijən co təkfiri və terroristə dastəon de Ərəbıstoni himoyə vositə co kişvəronku terroriston bəştə qrupon cəzb kardedəbin və bə Suriyə ezom kardedəbin. dığğət kardəninə nuktə ıme ki,ın terroristə qrupon çı Avopəku həm terroristə fərdon bəştə tərəf cəzb kardedəbin və çəvon mığdor bə çandə həzo nəfəri nezi rəsəbe.bənə Fransə,Belçika,İngiliston,Almaniyə və co Avropə kişvəronku bıə terroristə fərdon Suriyə canqədə iştirok kardedəbin.həni bə həmmə kəsi məlum be ki,Ərəbıston Suriyədə de radikalizm iyən hoziyəti pevolo kardey ko məşğule və reqiyoni muadiləon bəyənde jıeyro iyən de ədolət iyən sulh tələbə islomi mıborizə bardey xoto qıləy məxsusə siyosəti təğib kardedəbe.qıləy islom ki,mığoviməti mehvər və dayirə de ğəsbkorə seonist rejimi mıborizə bardey və mığovimət nışon doey əvış bə nımoyiş noəşbe.əmmo,həyğətədə Səudiyyə Ərəbıstoni siyosətmədoron məntəğədə çı seonist rejimi xıdmətədən və bəçəvon kəşə planon əsos hərkət kardedən....
