Ğəfğaz iyən Mərkəzi Asiyə dəvardə haftədə
Ğəfğaz iyən Mərkəzi Asiyə dəvardə haftədə
Təbrizi İmom Cımə Seyd Muhəmməd Əli Al-Haşım ın haftə cımə nımojədə Az.Respublikakuş tələb karde ki,bə çın kişvəri izzəti moyə bıə mısılmınon fik bımando.
Vəliyyi-Fəğihi Şərği Az.ostanədə bıə nımoyəndə Huccətul-İslom vəlmuslimin Seyd Muhəmməd Əli Al-Haşım təbrizi dəbardə haftə cımə nımoji ibaxşədə bo Az.Respublikə mısılmonon dıvoş karde və bə bın kişvərədə bıə mısılmınon məhdudiyyətonış işorə karde,de dindoron bıə rəftoronış nomınosib zıneşe və İlham Əliyevi devlətiku tələbış karde ki,Cənubi Ğafğəzədə bıə çın devləti moyə və bəçəy izzəti boyis bıə mısılmononku mığət bıbu.əv həmçinin çı Az.Respublikə mısılmonə millət və devləti mıvəffəğiyyəti rəmzış çın kişvəri mısılmonon izzətış zıne.
Im iminə kərə niki,İron İslom Respublikə məsul şəxson Az.Respublikə mumin və mısılmonə şəxson mıdofiyə kardedə. İslom Respublikə rəsmi şəxsonsə əlovə,İroni azəriyə imom cımə və vəliyyi fəğihi nımoyəndəon hejo çı Ərəsi ru şimolədə bıə mısılmonə millət və devlətışon himoyə kardə və Az.Res. istiğlal və ərazi təmomiyyətışon elon kardə.ın himoyəon ım həyğəti nışon doydə ki, Az.Res. istiğlal və ərazi təmomiyyəti bo İroni mısılmonə millət və devləti qıləy barzə əhəmiyyətış heste.
Deməkə ki,hejo İroni devləti rəsmi şəxson Az.Res devlət iyən millətış himoyəş kardə,əmmo çı Az. Res zindononku dindorə məhbuson işkəncə və əzob-əziyyəti xəbə mıntəşir bıə.karsədə dırozə mıddəti ərzədə həbs kardey,harujnə ozodə həvoyədə nəve vəy qətey,çəvon bə həmom şıey ko mane bıey və həmçinin bəçəvon bənə nımoj votey bıə dini mərosimon bə vırə rosney koon həm mane bıey min cumlə çın işkəncəonku bə hisob omeydə.ım qıləy holədəy ki,Az.r dindorə mısılmonon çın kişvəri ərazi təmomiyyəti himoyə kardedən və işğal bıə ərazi ozod kardeyədə confəşonəti kardedən.həyğətədə,Az.Res dindorə ğıvvon çın kişvəri həyğiyə millətçiyonin və Biku devləti vəomədə bo camiyə hidoyətiro bəvon ziyodə ehtiyociş heste....
Boku informasiyə vositəon çı (Miqranton)koonədə Diasporə devlətə komitə de Amerkədə bıə seonistə lobbiyon miyono barzə səviyyədə bıə rabitəonku xəbəşon doə.
Az.Res (Miqranton)koonədə Diasporə devlətə komitə elonış kardə:çın komitə de Amerkədə ziyodə nufuzi soyb bıə seonistə təşkiloton miyono nuyə rabitəon mərhələdə, Amerkə Sefardon Federasiyə( Əndəlusi yəhudiyon) bo Az.Res Xocalı-Faciyə sorqardışiro mərosimışon dəvordınə.
İlham Əliyevi devləti de Amerkə seoniston barzə səviyyədə bıə rabitəon,qıləy holədə inkişof kardedə ki, Az.Respublikə mısılmonon de şiddəti de ın əloğəon mıxolifin və de mıxtəlifə roon ıştə mıxolifətışon bə azəri devləti yolon quş rosnəşone.de qırd ımon bə ico,Boku devləti rəsmi şəxson çanədə ki, de azəri dindorə mısılmınon işkəncə koy məşğule,anədə həm de beynəlxalğ seonizmi ıştə rabitəon hevuj kardey fəoliyyəti həm məşğule.Boku devləti rəsmi şəxson bo Amerkə Konqresədə sonistə lobbiyon rizoyəti cəlb kardey bəhonə Ğərəboği mınoğişə bə oxo rosney xoto,de israyli ıştə rabitəon hevuj kardey ko dəvom doydən.demiyən,dəvardə vist sori ərəzədə bo azəri rəsmi şəxson tələbon bə vırə rosney koyədə Amerkədə bıə seonistə lobbiyon tərəfiku nəinki,hiç qıləy ko vindey bıəni,bəlkəm bəvon təzyiğ kardey bedə ta əvon çı seonist rejimi tələbon bə vırə bırosnon....
