Təkfiri cərəyonon
Təkfiri cərəyonon
Bə vəhhabiyyəti bə əməl omey iyən bə ın təfəkkuri tərvici koyədə İngilostoni roli nəzə kardeyədə,nışon doydə ki,vəhhabiyyəti fırğə çın təfəkkuri təsisiəkə Məhəmməd bin Əbdul-Vəhhab vəzifə ğərəz islomi məzhəbon miyono təfrığə eğandeysə co qıləy ko nıbe.əvon vahidə Xıdo pərəstış kardey,sulh,ədolət iyən mehribonçəti simvol bıə islomi təlimon səhv dərəsə holədə,bə dınyo iştimaiyyəti islomi bənə qıləy hozi iyən radikalə dini formadədə nışon doydən.islomi təlimon jıqo səhv sərəsey iyən ifrotçəti İngilistoni dığğətış cəlb karde və əvon binoşon karde bə Ali-Səudi koməkon nışon doey ta əvon həm Hicozi sərzəminədə de Səudiyyə Ərəbıstoni devləti təşkil doey,islomi məzhəbon məhfkon iyən de vəhhabi təfəkkuri tərvici koy məşğul bıbon. Vəhhabi alimon bə sayir mısılmınon ələyh bıə fətvoon,kali islomi kişvəronədə cıvonə nəsli miyono təkfiri təfəkkuri pevolo bıeyədə təyinəkə rolış mevcud be.bə Kərimə-Ğıron iyən Xıdo-Rəsuli(s) sirə və şıə roy zidd bıə təkfiri təfəkkur və əndişə,çı vəhhabiyyəti tərəfdoron miyono qıləy təkzib nıbə usul və prinsipe.vəhhabiyyəti dıləku bənə Əlğaydə və DAEŞ təkfiri iyən terroritə dastəon bə bi beşə.bənə DAİŞ iyən Əlğaydə təkfiri cərəyonon, bə islomi dınyo təbiiyi və həyği tələbatonku bə əməl omə cərəyonon nin,bəlkəm əvon qıləy ğeyri-təbiiiyi təzahuronin ki,bə co amil iyən əvəzon xoto,bə formə dəşən və ozavziyən.çoko ki,bə bovə kardəninə sənəd və fakton əsos,bənə vəhhabiyyəti fırğəon bıə ım cərəyonon de ğərbi strateqiyəku ibaxşi,bo islomi dınyoədə təfrığə və coəti eğandero icod bıən.çın sıyosəti hədəfonku qıləyni,Asiyə ğərbədə mevcud bıə nizomi bəyənde jıey,coğrafi marzon əvəz kardey, İslomi dınyo iyən mığoviməti mehvəri zəyif kardeye ta seonist rejimi sultəgərə mənfəəton nəzə qətey bıbu və əv bəştə cinoyəton dəvom doey bızıno.
Seonist rejim çı mısılmınon de iyande dave kardeyku iyən çəvon iyandey kışteyku ziyodə mənfəət kəsb kardedə.çıro ki,de ın metodi çı islomi dınyo ğudrət iyən imkonaton de iyande canq kardey,bə hədər bəşe və obərəxe.terroristə dastəon bə seonist rejimi ələyh hiç qıləy mevğıyyət nıqətey və mıxtəlifə sahəonədə min cumlə de seonist rejimi vositə noxəşxoəonədə bəçəvon yarəjəon muolicə kardey bıə koməkon,çın rejimi bəvon komək kardey iyən çımon yəni seonist rejimi de təkfiri iyən terroristə qrupon miyono həm məxfiyonə və həmən oşkoə qeşə rabitə mevcud bıey təsdığ kardedə.
Bənə alim Nuam Çamski,Amerkə sabiğ devlətə katib Hillari Klintoni, Barak Obama muavin co Baydeni bıə ğərbi məşhurə alim iyən siyosətmədoronku çandə qılə,çı ğərbi jıqo terroristə dastəon bə əməl omey koyədə bıə rolışon təsdığ kardə.foş bıə sənədon iyən veyə ehtımolon mevcude ki,ğərbi kişvəron DAİŞ terroristə qrupi icod kardeyədə iminə cərqədə bıə mıttəhəmonin.joqo ki,əmə iyo bəçəvon tərəfiku bıə çandə qılə etırofon işorə kardedəmon.Amerkə kanə xarici koon vəzir Hillari Klinton ıştə”saxtə varyanton” nomo bıə xotırə ktobədə elon kardedə ki,Amerkə çı pardə peştono DAİŞ terroristə dastəş təsis kardə be.
