Mərkəzi Asiyə lyən Ğafğaz dəvardə haftə

Mərkəzi Asiyə lyən Ğafğaz dəvardə haftə

İsrayil seonist rejimi parlament Knesseti kali uzvon çınrejimi rəsmi şəxsonku tələbışon kardə ki,erməni genosidış bə rəsmiyyət zınə.

Knesseti yolə uzvonku qıləyni Yair lapid,Apreli 24 çoşanbə ruji iminə dınyo canqi zəmonədə de Osmani imperiya vositə erməni genosidi 104-ə sorəqardışi ərəfədə voteşe:”çəy vaxt rəsə ki,israyil çı Tırkiyə təzyiğon vədə bımando və erməni tuməbıri bə rəsmiyyət bızıno”.

Coruzələm-posti əy bənə qıləy “dınyo yəhudiyon həmməysə nufuzinə fərd” zınə Lapid,ıştə tvitterədə nıvıştəşe:”çəmə əxloği iyən torıxi məsuliyyəte ki,çı erməniyon ım genosidi yodədə oqətəmon və əy bə rəsmiyyət zıney himoyəkəmon ta həni hiçvəxti ım tikror nıbu”.Lapidi voteşe:”ğəsdış heste ijən erməniyon bə rəsmiyyət zıney plani Knessetədə bə cərəyon eğando”.

Knesseti coqləyni uzvonku qıləyni Mossi Raz həm ıştə tvitterədə bə apreli24-ə erməniyon tuməbıri hodisə işorəş kardəşe və nıvıştəşe:”əmə ım ruji erməniyon Holokast zınedəmon.çəy zəmon rəsə ki,israyil erməni genosidi bə rəsmiyyət bızıno”.ımi həm votey loızme ki,seonist rejimi parlamentədə erməni tuməbıri məsələ barədə çımi bənav həm bəhs bıəbe,əmmo bə çandə qılə dəlilon xoto,harujnə əsos məsələ hisob bıəni.bəzi eksperton çı Tırkiyə təzyiğon iyən seonist rejimi norohətçəti bə tel-avivi de Ankara miyono rabitəon xərob bıey boyis bıə.