Həzrəte Məsumə(s) vilodət
Həzrəte Məsumə(s) vilodət
Hicri-Ğəməri 173-ə sori Zilğə`də manqi sıftədə imomət iyən viloyəti xanedən və xıyzonədə kəromətinə banu həzrət Fatimə-Məsumə(s) vilodət ruje.ım buzurquvarə xanım,qıləy kədə yol be ki,bənə İmom Kazım(ə) buzurquvarə merd iyən Həzrəte Rıza(ə)-i bıə bıvə həm həmonə kədə jiyedəbe.çə həzrəti inə Nəcmə-Xatun qıləy pok,ləyoğətin iyən imoninə jen be ki,həzrəte Rıza(ə)-ış bə dınyo varde və de Tahirə ləğəbi məşhur be.jıləvoni Fatimə-Məsumə(s) çı imon iyən pokdovnəti məkonədə ozavziye,perəse və çı iffət,ismət,elm iyən hikməti çeşmədə bə ruf iyən coni pokəti və təhorəti rəse.inə tərəfiku həm çəy cədd bə İmom Həsən-Muctəba(ə) nəsli və dədə tərəfiku həm bə İmom Huseyn(ə)-i rəsedəbe.bəçəy xoto həzrəte Məsumə(s) ziyorətnomədə bə ə həzrəti xitob kardey bedə:”Əssəlamu ələyki ya bintəl-Həsəni və Huseyn”.səlom bıbu bətı ha çı Həsən(ə) və Huseyni(ə) kinə!.
De həzrəte Məsumə(s) vilodəti sorəqardışi bə ico,bın ruji İron İslom Respublikədə de kinon ruji nomi ğeyd kardey bedə.bın ruji bə ismətinə Əhli-Beyt(ə)-i aşığ bıə kəson de çın pok,şərofətoin və barzə məğaminə banu Ğomi mığəddəsə şəhrədə pokə hərəmi və məçiton dərostey iyən ço pekardey,Əhli-Beyt(ə) kəromətinə banu vilodəti ruji id dəvordıneydən və bə bın şəhri qıləy məxsusə abe-həvo baxş kardedən.əmə həm....təbrik.....
Həzrəte Fatimə-Məsumə(s) təvəllud bo Əhli-Byet(ə)-i qıləy məxsusə əhəmiyyətış hestebe.zira,ım xəbə çəy təvəlludi bənav çandə kərə de İmom Sadığ(ə)-i vositə elon bıə be və həmonə zəmoniku çı Əhli-Beyt(ə)-i muhibbon və şiəyon bo həzrəte Məsumə(s) barzə məğami zıney xoto vanq kardey bıən. rəvoyətədə omə ki,İmom Sadığ(ə) hamyedə:”bo Xıdovəndi qıləy hərəm heste ki,Məkkədəy.Xıdo-Rəsuli(s) hərəm Mədinədə,Əmirəl-Muminini hərəm Kufədə və çımı və çımı fərzəndon hərəm Ğomədəy....çımı avlodonku qıləy banu əyo bəfot bəkarde ki,çəy nom Fatimə bint Mosəy(İmom Kazım(ə)).çəmə qırd şiəyon deçəy şəfoəti bə vəhışt varid bəbeyn”.(Biharul-Ənvar c-57,s-217).....
