İmom Cəvod(ə)
İmom Cəvod(ə)
Zilğə`də manqi oxonə ruj İslomi-peyğombər(s)-i əhli-beyti(ə)-iku qıləyni şəhodəti ruje.İmom Cəvod(ə) Hicri-Ğəməri 220-ə sori jıqo qıləy ruji bə həxı vindemoni səmt dastpoçə be və islomi dınyo de ın kəromətin iyən yolə rəhbəri ğəmi bə matəmi ğərğ bin.ımruj Kazımeyn co qıləy abo-həvoş heste.siyuə pərçəmon həmmə vıronədə rost kardə bıə və qırd vıronədə huzn,ğəm və ğəmqinəti bəçəş çiyedə və piy-cıvon bə hərəmi səmt hərəkət kardedən ta ıştə rəhbəri şəhodəti ruji yəni Cəvadul-Əimmə(ə) şəhodəti ruji de əzodorəti koy məşğul bedən.
İmom Muhəmməd ibn Əliyyin-Nəğı(ə) çı şiəyon nəvminə rəhbər Hicri-Ğəməri 195-ə sori mədinə şəhrədə bə dınyo çəşış oj karde.çəy pı İmom Rıza(ə) iyən inə Səbikə xanım be.İmom Cəvod(ə)-i bə dınyo omə sori İmom Rıza(ə) əvış bəştə vanqo qəte,bəştə sinəş dəkırne və çə həzrəti məzlumonə şəhodət və telə faciyəku xəbəş doe.ə həzrəti hamyeşe:”çımı ın fərzənd de zılmo-sıtəmi kıştey bəbe və osmonon əhl boəy bəbəme və həx-təala bəçəy deşmınon ğəzəb bəkarde .çəy kıştəkəs və bəy sıtəm kardə kəs çəy ğətli bəpeştə jimonədə qıləy bəhrə nibəvinde bə rəyrə bə ilahi əzobi vasil bəbe”.
Şiəyon nəvminə rəhbər Həzrəte İmom Muhəmməd Təğı(ə) şiyə imomon miyono iminə ilahi rəhbəre ki,hırdənəti zəmonədə bə imoməti barzə məğami nayil bıə və ım məğamış bəştə ehdə peqətəşe.ə həzrət həşt sinnədə ıştə buzurquvarə pı şəhodəti bəpeştə ın məsuliyyətış ğəbul kardə və əməli surətədə de milləti irşod iyən hidoyəti koy məşğul bıə.
İmom Muhəmməd Təğı(ə) təğribən 25 sorış jimon karde və bın kırtə mıddətədə çı milləti fikon ozavziye iyən ruşdədə qıləy yolə təsirış hestebe.İmom Cəvod(ə) ıştə pı bədiqə islomi umməti rəhbərəti bəştə ehdə peqətey zəmonədə kamə sinnış hestebe,əmmo çı islomi və ğıroni yolə elm və maarifi soyb be və hejo bə milləti şubhə və sıvolon səhihə cəvob doydəbe.ə həzrət 8 sinnədə bə imomət məğami rəse və çə həzrəti bın kamə sinnədə bıə imomət bə i hissə odəmon çoçinəti iyən şəkko-şubhəon boyis bıəbe.çın tərdid və şəkki dəlil həm ım be ki,kali fərdon aləmi təzahuron təhğığədə fəğət çı zohiri iyən maddi meyaron həxədə fik-fam kardedəbin.qıləy holədə ki,zumand iyən hikməti soyb bıə Xıdovənd ım ğudrətış heste ki,bo məsləhətiro kamə sinnış bıə şəxson bə ağli kəmol və ozazviye rosney zıneydə.çoko ki,bə Kərimə-Ğıroni ayəon əsos,ın məsələ navkonə ummətonədə həm mevcud bıə.həzrəte Yəhya(ə) nıbuvvət hırdənəti zəmonədə bə əməl omə və həzrəte İsa(ə) qofeyədə sıxanış kardə və ımon çı ilahi yolə ecoz və mecuzəonku bə hisob omeydə.
Torıxədə omə ki,i dastə odəm diyəroə vırəku bo İmom Cəvod(ə)-i boho ğeymətinə hədiyyəşon vardəbe.əmmo,kərvon de roy dızd və ğoldoron dimbədim ome və həmonə dızdon çəvon molonışon dızdiye bardeşone.ın hədiyyəon bo İmom Cəvod(ə)-i vardə kəsi qıləy noməş bo ə həzrəti nıvışteşe və imomış çın vağiyə cəərəyoniku xəbədoş karde.İmom Cəvod(ə) de ın hodisə əloğədor jıqo qıləy noməş nıvışteşe:”həyğətən,çəmə con iyən molon Xıdovəndi baxşeş iyən çəy əmonəte.ehanə çəyku bəhrə bıbəmon,bə şoyvonəti səbəb bəbe və bə bardə bıə (miyoniku şıə)çiyon ehanə səbrkəmon,əcr və səbrış heste.hakəs muşkilatonədə beğərol bıbu və səbr nıko,çəy əcr zay bəbe”.
Əbbosi hiyləgərə xəlifə Məmun viloyətəhdi dezzu bə İmom Rıza(ə)-i ehdə noey və çə həzrəti bə şəhodət rosney bədiqə, İmom Cəvod(ə)-i zəmonədə co qılə hiyləku okoş doe və zohirədə de mehrbonəti iyən dustiyəti İmom Rıza(ə)-i şəhodəti i sor bədiqə ıştə kinəş Umml-Fəzlış məcburi surətədə de İmom Cəvod(ə)-i izdivac kardeyış doe və çın izdivac iyən vəyə səbəb həm fəğət siyosi məğsədış hestebe.İmom Cəvod(ə)-i əshobonku qıləyni bın barədə votedə:Bəğdadədə bə İmom Cəvod(ə)-i xıdmət şərəfyob bim və çə həzrəti jimonım vinde.bəçımı zehn dəşe ki,İmom(ə) ki,jıqo bə qıləy rifohinə jimoni rəsə,həni hiçvaxti bəştə vətən Mədinə onıbəqarde.İmom(ə) iləzə ıştə səş saruş dəğande,çən peşo ıştə səş rost karde və qıləy holədə ki,çəy dimi ranq zard bıəbe,hamyeşone:”Ha Huseyn ha! Xıdo-Rəsuli(s) hərəmədə çımı palu cəvə nun iyən hışkə nemek çımı iyo vində çiyonku bomı vey aziz və mahbube”.bə həmonə dəlili xoto,İmom(ə) Bəğdadədə nımande deştə jimoni həmro Ummul-Fəzli bə Mədinə oqarde və de tosə Hicri-Ğəməri 220-ə sori ijən Mədinədə jimon kardeşe.
