Təkfiri cərəyanon
Təkfiri cərəyanon
Bənə Əlğaydə və DAİŞ təkfiri cərəyonon həm bə fiki iyən ideoloji əsos və de cihodi prinsipon əsos zıney və de hoziyəti və sırfən de ğital və cihodi,boştə kardə rəftoron qıləy məşruiyyət və leqiməti baxş kardedə. Əbu Bəkr Bəğdadi çı cihodi əhəmiyyəti həxədə jıqo votedə:”Xıdo royədə cihod çı Əndəlusi suğuti zəmoniku bo mısılmon ənıştə mısılmonə şəhron ozodətiro,bo qırd fərdon vocibe eyniye və bə Xıdo kufr və Xıdo royədə cihodku nəhy kardey bəpeştə,həmməysə dıjdə qınoye.Kol Bonzel təkfiri cərəyonon muhəğğiğonku qıləyni DAİŞ-i cihodi nəzəriyyəş vəhhabi təlimonku nışonış qətə və votedə: ”islomi devlət bə hucuməkə cihodi təkid kardedə ki, bə vəhhabi təlimon mıtobiğ,bəpe bo şırki iyən bıtpərəstəti rəğ-rişə bırniyero əncom bıdo”.DAİŞ –i cərəyon de bə Muhəmmədi mıborəkə surə 4-ə şərifə ayə istinodən ki, hamyedə:”fəiza.....çən,çun de kofir bıə kəson dimbədim omiyon,çəvon gərdənon bıjənən ta çun əvonon hırd karde,çəvon dast-lınqon mehkəm dəvastənən”.bo canq iyən şiəyon və ğeyri-vəhhabi əhlı-sınnəti və ıştə mıxolifon kıştey,qıləy bəhonə vırə noydən.çı təkfiri dastəon məxsusən DAİŞ terroristə dastə cihodi nəzəriyyə mışohidə bedə ki,bə de islomi dınyo deşmınon yəni de seonist rejim və ğərbi canq kardey əvəzi de mısılmınon mıhoribə kardeydən.çoko ki,Əbdussəlom Fərəc bə ibn teymiyyə cihodi barədə bıə nəzəriyyə dığğət kardə holədə,de nezə deşmınon canq kardey bəsə diyəroə deşımınonsə bənave.bo jıqo nəzəriyyə bəhonə vardey və çı seonist rejimi mığobilədə qıləy mevğıyyət nıqəteyro,əvon bə Tobə mıborəkə surə 123-ə şərifə ayə istinod kardedən.joqo ki,hamyedə:”Ya əyyuhəlləzinə....Ha imon vardə kəson ha!deşmə nez bıə kofiron canqkənən(və diyəroə deşmınon şıməni nezə eeşmınonku ğafil nıkon)”.təkfiriyon nəzəku mısılmonə murtəd və mınofiğ(çəvon nəzəku şiəyon) nezə deşmon hisob kardeən və deəvon mıhoribə kardey iminə dərəcədəy.təkfiri əndişə və təfəkkurədə cihodi məfhum, məxsusən DAİŞ terroristə dastə İrağ və Suriyədə çəyku bəhrə bardedən,əsosən de əhlı-sınnət və şiyə dini fiğhi əndişə əsoson farğ kardedə.....
DAİŞ-i rəhbəron boştə de seonist rejimi canq nıkardey dəlili,bə oxonə zəmon iyən zuhuri devroniayid zıneydən və de oxonə zəmoni ayid bıə kali rəvoyəton təjrif kardey ıştə xilofəti təsbit kardey dumon və de ojə-oşkoə holəti elon kardedən ki,”bə Ğudsi rəsə ğıyomiku məğsəd” mənoş ım ni ki,Beytul-Mığəddəsi çı ğıyom iyən xilofəti poytaxt be,bəlkəm çandə kərə işorə bıə ki,İsa-Məsih(ə)əyo zuhur bəkarde və yəhudi devlət məhf bəbe.binobərin xilofəti əhotə bə Fələstıni səmt kəşey be.DAİŞ-i təblığot vositəon çandə soron bənav bə de siyuə pərçəmə merdon ğıyomi,Cənubi Xorasani(Əfğanıston) mıcohidon və de İrağ iyən Şami Ərəbi cəzirə ,Mosuli fəthi və sayirə təkid kardey,cəhd kardedəbin ki,bə rəvoyəton əsos ıştə munci iyən xiloskor bıey ilğa kardey fikədə bin.
Oxonə zəmon istilohədə çı dınyo oxoyədə bə insonon jimoni oxonə devrə votey bedə.de qıləy co iborəti ın devrə de islomi peyğombəri vilodəti bino bedə və de ğıyoməti ruji bino bıey bə oxo bərəse.həmonə devrədə bə bəşəriyyəti aləmi munci və xiloskori i zuhuri ayid bıə hodisəon bə əməl bome və dınyo bə qıləy dıjdə hodisəon şoyd bəbeyn.həx iyən ədoləti pərçəm dınyoədə rost bəbe və zılm,fəsod və beədoləti rəğ-rişə bırniye bəbe. DAİŞ terroristə qrup ıştə rəsmiyə nəşriyyə nomışon “Dabiğ” noə.Dabiğ Suriyədə qıləy qədə şəhre.ım şəhr hərbi cəhəto qıləy əhəmiyyətinə şəhr nıbe.demiyən DAİŞ terroristə dastə de ziyodə tələfoton doey iyən təzyiğon həmonə şəhrışon işğal kardeşone və peşo de şoyvonəti və raxs kardey ko məşğul bin.çəvon ın ko və çın şəhri işğal kardey dəlil,qıləy hədise ki,DAİŞ-i tərəfdoron iddio kardeən ki,əbu hureyrə Peyğombəre-Əkrəmiku(s) nəğlış kardə və “Səhih-Muslim” kitobədə omə:” La təğumu-ssaə...ğıyomət bəvədə bərpo bəbe ki,rumiyon və roməvıjon bə Ə`mağ ya Dabiğ hucum bəvardeyn.çən,həmonə ruji Mədinəku qıləy ləşkər ki,çı zəmini əhli həmməysə çokə qıləynin,bəçəvon tərəf hərəkət bəkardeyn.çən,çəvonku sedə i hissə kıştey bəbeyn ki,əvon Xıdo palu vey barzə şəhidonin və sedə i hissə həm fateh bəbeyn ki,bə hiç qıləy fıtnə dıço nibəbeyn.çən.bə zəmon İsa-Məsih(ə)-i nozil bəbe.çən,çun Xıdo deşmon əy bəvindeyn,bənə nemeki ovədə həll bəbeyn”....
