Məhərrəmə manqi əzodorəti ayin
Məhərrəmə manqi əzodorəti ayin
De Məhərrəm iyən İmom Huseyn(ə)-i məzlumonə şəhodəti manq dəme,dınyo şiəyon de ğəm və huzni pur bıə dılon,ıştəni bo çın manqi əzodorətiyon hozzı kardedən və de bo İmom Huseyn(ə)-i əzodorəti mərosimon dəvordıney İmom Huseyn(ə) iyən bo ə həzrəti bəfodorinə yaro-yavəron rəşodəton zikr kardedən.bə İmom Huseyn(ə)-i eşğ nışon doey dınyo mıxtəlifə kişvəron marzonış darıştə və bə İmom Huseyn(ə)-i eşğ nışon doə kəson ısət har din,zıvon iyən fərhənqiku həm bıbon,həmmə kəson bo Şəhidə İmom(ə)-i ğəmqin bedən.mıxtəlifə milləton miyono bə Məhərrəmə manqi əzodorəti ayini əhəmiyyəti dığğət kardeyədə,mışohidə kardedəmon ki,ın mərosim təğribən dınyo qırd tərəfonədə bərpo bedə....
Şiyə mısılmınon həmməysə yolə camiyə Almaniyə Hamburğ şəhrədə mevcude.bə həmonə dəlili xoto,ha sor Aşurə mərosim Hamburqi islomi mərkəzədə de Əhli-byet(ə)-i aşığ və piyə kəson i hissə dəvordıney bedə.Tasua və Aşurə rujon islomi mərkəzədə mərosimon əksərədə de sıxanrani və moyizəon bino bedə və çın moyizə oxoyədə,əzodorəti və sinəzəni bino bedə.həmçinin,Aşurə ruji Aşurə ziyorəti handey və əzodorəti mərosimi bərpo kardedy bəpeştə,bə ın vırə cəm bıə 20 həzo nəfəri ehson doey bedə və boəvon sufrə oj kardey bedə.
Danimarkədə bıə şiəyon həm ıştə soxtə huseyniyəonədə Məhərrəmə manqi əzodorətiyon bərpo kardedən.Darul-Huseyn ki,de şəhid həkimi vositə idorə bedəbe,min cumlə Huseyniyəon ki,1990-ə milodi sori de Danimarkədə jiyə İrağıvıjon koməki vositə soxtə bıə.Darul-Huseyn mıəssiə həm Danimarkədə bıə coqləyni islomi mərkəze ki,əyo Kumeyli dıvo handedən,sinəzəni kardedən və novhəxani bə vırə rosnedən.....
Əhli-Beyt(ə)-i piyə kəson iştiroki sayədə,Amerkə ğitədə həm Məhərrəmə manqi əzodorətiyon de əzəmətin formə bərpo bedə.məsələn,Nyu-Yorkədə İmom Əli(ə)-i məçit Məhərrəmə manqi iminə da rujonədə bo İmom Huseyn(ə)-i əzodorəti mərosim de Əhli-byet(ə)-i aşığ və piyə kəson əzəmətinə iştiroki bərpo bedə.Nyu-Yorki ali məktəbon tələbəon bo İmom Huseyn(ə)-i Aşurə inğılobi təbyin kardero,ıştə məzhəbi məkononədə qırdə bedən.
Kanadədə mıxtəlifə etnos və ğovmonku iborət i milyon mısılmon ki,çəvon sedə i hissə şiəyon təşkil doydə.de Kərbəlo vağiyə sorəqardışi mınosibəti,Kanada şiəyon Məhərrəmə manqi iminə da rujonədə bo həzrəte seyyiduş-şuhəda əzodorəti mərosimon dəvordıney bedə.çın mərosimon həmməysə barzə qıləyni,sıxanrani və moyizə məclisone ki,vey vaxti bə Aşurə vağiyə mıxtəlifə cəhəton işorə kardey və çəyku torıxi dərson əxz kardeye.
Kanadədə Aşurə ruji çı şiəyon əzodorəti mərosimon yəni sinəzəni və novhə handey təkyə və dəpuşniyə bıə vıronədə dəvordıney bedə.oxonə soronədə kali əzodorəti dastəon Aşurə ruji bə kuçon həm beşedən və çımi qıləy yolə təsirış həm bıə.Kanadədə əncom doə bıə koonku qıləyni,bo İmom Huseyn(ə)-i təğdım kardero,plakardon və reklam pusteron bə şəhri mıxtəlifə məkonon və nəğliyyot vostəon dəçokneye ki, Aşurə əyyomədə çın kişvəri dıjdə şəhron sima və çehrə əvəz kardedə. ....
