Təkfiri cərəyanon
Təkfiri cərəyanon
Təkfiri cərəyon bə Raşidin xuləfa hukuməti ıştə hədəfə hukumət zınedən və ğərəz çəvon siyosi nizomi co qıləy nizomi ğəbul kardedənin.bə həmonə dəlili xoto,təkfiriyon nəzəku,ısətnə zəmonə islomi kişvəronədə mevcud bıə hukuməton hiç qıləyni məşruiyyət və leqimətiş ni.əvon bo insoni ğayil bıə ray və əğayed ya roon,bənə demokratiya,vıjnemon,ğıvvon co kardey və sayirə mıxolifət kardedən və əvoni çı şırki məzhər və simvol hisob kardedən.bə həmonə dəlili xoto,təkfiri cərəyonon rəhbəronku bıə Əbu Məsəb Suri qırd fəoliyyət nışon doə demokratik bıə mısılmonə nizomon kofir hisob kardedə:”umum cihodiyon etığodışon heste ki,demokratə mısılmınon ki,bə parlament daxil bedən və ğanun noə ğıvvədə ya vəzərot və icroiyyə ğıvvə hukumətədə məşğul bedə,bə kuframizə əməlon mırtəkib bedən”.DAİŞ de jıqo qıləy vonə bə Suriyə Ozodə ləşkəri nez bıə 1500 nəfər əhlı-sınnətış bə ğətl rosne:”ımon bə Suriyə Ozodə ləşkəri koməkəkə6yonin ki,əvon demokratiyə tərəfdoro bin və ım nəzə çəvon uləma nəzədə həm kufre. çıro ki,bə sekolarizmi əsos be”......
Təşkiloti nəzəku DAİŞ-i hukuməti struktur şəxs bə bə xəlifə zumandəti məhvəri əsose ki,elm və dinədə əfzəl Ğureyeş bə hisob omeydə.bə həmonə dəlili xoto,DAİŞ səy kardedə Ğureyşi nəsəbi və iştihodi bo xəlifə pesoxton.xəlifə de mucohidon şura və məclisi vositə təyin bedə ki,bəvon əhle-şovkət nomışon noə. DAİŞ-i təşkilot və hukuməti struktur piramida formadəy.bın təşkilotədə Əbu Bəkr Əlbəğdadi çı ğudrəti rəəs və sədə ğərolış qətə.əv mıtləğə hakime,qırd ğərolon və koyku bekardey və bə ko noey,deçəy dastiye.hərbi iyən şəri şura və heyəti mığdor,çəy kompleksi jiyədəy.
DAİŞ-i maliyyə təmin bə DAİŞ-i şəş qıləynə sutunonku bıə şəşminə qılə Maliyyə Şura ehdəy.DAİŞ de ım şəş qıləynə şura vositə çandə qılə vəzərotxonəş həm heste ki,icroiyyə vəzifəon bə vırə rosnedən.de sərzəmini marzon rabitədə,DAİŞ bənə co təkfiri dastəon,kişvəron miyono mevcud bıə marzon bə milləton kataqoriyə əsos bə rəsmiyyət zıney bedəni və de bə islomi umməti və darus-səlomi məfhumi təkidi,bə mısılmınon xitob kardey bedə.həlbəttə,çəvon nəzəku hakəs ki,de DAİŞ-i etığodon mıxolifətko,çı islomi iyən mısılmınon dayirəku xarice.çı DAİŞ-i fiki iyən ideoloji hamiyonku qıləyni Əbu Rumisə çın dastə xilofəti transmilli imici təbyinədə nıvıştedə:”xilofət,hevujətiş pəydu kardə podşohətiye ki,çımiku bəy ovaştey şəbəkə əsos bina bıə”.joqo ki,çoko bəvoteyn islomi devləti şəhrvand ıştəni bənə Rəğğə iyən Fəllucə əhali elon kardedəni.bəlkəm əv ıştəni çı transmilli imperətorəti i baxşiku zınedə ki,bə marzon əsos bıə hoviyyət və şəxsiyyəti rədd kardedə”....
Kişvəron miyono marzon DAİŞ-i iddio kardə xilofətədə,bə rəsmiyyət zıney bedəni,bəlkəm çəvon nə islomi nəzə nev,DAİŞ-i devləti hədd və marzon təyin kardedə.liza hakəs çəvon tərif və mıəyyən kardə Darul-İslomi dayirəku xaric bıbu,bə darul-kufri şomil bedə və əvoni kıştey iyən deəvon canq kardey cayize.de ın tərtibi DAİŞ-i tərtib kardə siyosi nəxşə və xəritə ki.boştə xilofətiro tərsimışon kardəbe,qırd islomi sərzəminon ısət çı Çini ğərbiku de tobə Əndəlusi şomil bedə
