Təkfiri cərəyanon
Təkfiri cərəyanon
DAİŞ-i maliyyə təmin bə DAİŞ-i şəş qıləynə sutunonku bıə şəşminə qılə Maliyyə Şura ehdəy.DAİŞ de ım şəş qıləynə şura vositə çandə qılə vəzərotxonəş həm heste ki,icroiyyə vəzifəon bə vırə rosnedən.de sərzəmini marzon rabitədə,DAİŞ bənə co təkfiri dastəon,kişvəron miyono mevcud bıə marzon bə milləton katiqoriyə əsos bə rəsmiyyət zıney bedəni və de bə islomi umməti və darus-səlomi məfhumi təkidi,bə mısılmınon xitob kardey bedə.həlbəttə,çəvon nəzəku hakəs ki,de DAİŞ-i etığodon mıxolifətko,çı islomi iyən mısılmınon dayirəku xarice.çı DAİŞ-i fiki iyən ideoloji hamiyonku qıləyni Əbu Rumisə çın dastə xilofəti transmilli imici təbyinədə nıvıştedə:”xilofət,hevujətiş pəydu kardə podşohətiye ki,çımiku bəy ovaştey şəbəkə əsos bina bıə”.joqo ki,çoko bəvoteyn islomi devləti şəhrvand ıştəni bənə Rəğğə iyən Fəllucə əhali elon kardedəni.bəlkəm əv ıştəni çı transmilli imperətorəti i baxşiku zınedə ki,bə marzon əsos bıə hoviyyət və şəxsiyyəti rədd kardedə”....
Kişvəron miyono marzon DAİŞ-i iddio kardə xilofətədə,bə rəsmiyyət zıney bedəni,bəlkəm çəvon nə islomi nəzə nev,DAİŞ-i devləti hədd və marzon təyin kardedə.liza hakəs çəvon tərif və mıəyyən kardə Darul-İslomi dayirəku xaric bıbu,bə darul-kufri şomil bedə və əvoni kıştey iyən deəvon canq kardey cayize.de ın tərtibi DAİŞ-i tərtib kardə siyosi nəxşə və xəritə ki.boştə xilofətiro tərsimışon kardəbe,qırd islomi sərzəminon ısət çı Çini ğərbiku de tobə Əndəlusi şomil bedə. De DAİŞ-i xilofəti eloni kali sələfi və vəhhabi dastəon de ıştəni xəlifə hisob kardə kəsi beyətışon karde, əmmo ziyodə sələfi qrupon de Əbu Bəkr Əlbəğdadi beyətışon nıkarde və əvışon ğeyri-ğanuni hisobışon kardə.DAİŞ-i ıştə qırd hərəkətonış bə təkfiri əsos binaş kardə.hakəs ki,qıləy qədə həcmədə həm bıbu, DAİŞ-i tənğidko,çəvon deşmınon cərqədəy.DAİŞ-i deəvon de şiddəti deşmınəti kardə məzhəb həmonə şiyə məzhəbi tərəfdoronin.çı şırk iyən kufri dayirə hevuj bıey çərçivədə,DAİŞ-i təkfiriyə təfəkkur bə şiəyon ələyh şubhə və şəkkonış icod kardə və bəçəy əsos əvoni çı islomi dayirəku xaric bıə kəson hisob kardedən.əvon şiəyon mıttəhəm kardedən ki,quya əvon dinədə bədət icod kardedən.bidət luğətədə qıləy çi icod kardey ya dəvardə soronədə nıbə çi icod kardey mənoədəy.dinədə bidət vardey tərifədə jıqo votəşone: şəryəti icozə nıdə holədə qıləy çi bə din vardey ya çəyku qıləy çi xaric kardeye.həmmə mısılmınon alimon iyən rəhbəron qıləy çiyədə ittifoğışon kardə və əv həm ım həyğəte ki,bidət hərome. çıro ki,dinə qıləy çi əvəz kardey və ziyod kardey,inhirof bə hisob omeydə.Kərimə-Ğıronədə Xıdovənde-Xalığ de mıxtəlifə formə dinədə qıləy nuyə çi vardəkəsi de şiddəti mızəmmət və inkor kardedə.joqo ki, hamyedə:və la təğulu....şımə bəpe ıştəku duyədə qıləy çi həlol ya ya qıləy çi hərom məvotənən və bə Xıdo nisbət mədənən ta bə Xıdo du dəməbastənən.əvon ki,bə Xıdo du bıbaston,hiçvaxti hərəbaxt nibəbeyn”......
Kərimə-Ğıroni ayəon həmçinin bə bidəti misdoğ və nımunəon işorə kardedə.çoko ki,Bəğərə mıborəkə surə 79-ə ayədə Xıdovənde-Aləm de yəhudiyon vositə osmoniyə kitobon əvəz və təhrif kardeyış çı bidəti nımunəş hisob kardə və hamyedə:fəvəylul.....bəpe dığğət kardey bıbu ki,harçənd bidət dinədə nuyəçiyon vardey bə hisob omeydə, əmmo har qıləy nu və tojə ko bidət hisob bedəni.çıro ki,insoni həyot zəmoni dırozi bə zəmoni tələbon əsos qıləy çi əvəz bedə və ın əvəzon bəpe islomi şəryətədə bəy dığğət doey bıbu.ım qıləy holədəy ki,nuyə məsləon veyni hukm kitob ya sınnətədə oməni və ehanə har qıləy nuyə ko bidət hisob bıbu,çəy nəticə camiyədə çı zəmoni nuyə tələbon mığobilədə kitob iyən sınnəti noğisəti hisob bəbe və jqıo qıləy nəticə bə həmmə mısılmınon etığodi əsos botıle.bəçəy xoto har qıləy nuyə ko bidət ni və bəpe bə bidəti şərayit iyən əsoson dığğət kardə holədə,çəy həddon təyin kardey bıbu. .....
