Təkfiri cərəyanon
Təkfiri cərəyanon
DAİŞ-i de şiddəti deəvon deşmınəti kardə məzhəbon tərəfdoronku qıləyni,şiyə məzhəbi tərəfdoronin. kufr iyən şırki dayirə hevujəti şərçivədə,DAİŞ-i təkfiri təfəkkur bə şiəyon ələyh çandə qılə şubhəonku bəhs kardedən və bəçımi əsos ımoni çı islomi dayirəku xaricədə hisob kardedən.əvon şiəyon de dinədə bidət vardey mıttəhəm kardedən.
Çı vəhhabiyyəti fırğəku peqətə bıə DAİŞ-i təkfiri təfəkkur çı bidətiku qıləy ruşinə tərif nışon doydəni və səy kardedən deştə ziddiyyətinə sıxanon votey,şiəyon çı islomi xaricədə hisob kardedən.bidət həm bənə co ziyodə məfhumon qıləy hədı-marzış heste.”dinədə təsərrıuf” bidəti məfhumi təbyin iyən bəyonədə həmməysə muhimmə indekse.”nəssi nıbey” iyən “prinsipi nıbey” çə vırəonkuye ki,çı bidəti şərayiton hozzı kardedə.nəssi nıbey ayə və peyğombər(s) iyən dini rəhbəron rəvoyəti nıbey mənoədə ni ki,çə həmonə əməli bidət bıeyədə şək heste.ehanə şəryəti əslədə qıləy ko mevcudebu,harçənd zohirədə mıstəğim iyən rostə formədə şəryətədə həm nıbu,həni bidət bə hisob omeydəni.votey bəbe ki,çı bidəti məhdudə və dayirəku xaric kardə dəlil,zərurətən xassə nəss ni,bəlkəm mıəyyən əməl de nəssi elmi kifoyət kardedə.məsələn, Peyğombəre-Əkrəm Muhəmməd(s) nomi zikr kardey zəmonədə bəsə poysə əyşte ya de ehtıromi məğsədi ıştə pı-mo dasti pusə kardey,harçənd çəy barədə qıləy xassə nəss ni və bə zəmonədə ım bıəni.əmmo,çəy məşruyi iyən ğanuni bıey bə dəlilon əsose ki,bə mumin ya Xıdo-Rəsuli(s) ehtıromi dəlolət kardedə,isbot bedə.......
Çı təkfiri cərəyonon bə transformasiyə iyən zohiri vindemoni əsos bıə metod boyis bıə ta çəvon bidətiku qıləy şərh və analiz nışon doydə ki,komilə surətədə radikal və bə islomi təlimon əkse.yəni əvon şəryətədə qıləy mıstəğim iyən sərostə hukmışon nıbə,əmmo çəvon hukmon kulliyə formədə şəryətədə təsdığ nıbə məsələon,bə ın dəlili xotoye ki,nəğli mənbəonədə ya islomi peyğombər(s)-İ sirə və şıə royədə və islomi sıftənə se ğərn və əsrədə mevcud ni,bidət və şəryəti xaricədə zıneydə.de qıləy co iborəti çə koon məşruiyyət və leqimətiş heste ki,nəğl bıə mənbəonədə zikr bıə və har əməl ya əndişə və fik ki, mustəğimən iyən sərostə formaədə kitob iyən sınnətədə oməni,məşruiyyət və ğanunətiş ni.
Səudiyyə Ərəbıstoni dıjdə vəhhabi mıfti ben Baz,bidəti jıqo tərif kardedə:İlbidə...(bidət har qıləy tojə çiye ki,dəvardə sornədə bıəni).əvon bə rəvoyəti təməssık iyən çanqışon jıə ki,Xıdo-Rəsul(s) hamyəşe: Əbakum.... bə din nuyə çi vardeyku pərhizkənən.zira,dinədə nuyə çi vardey bidəte və dinədə har qıləy bidət zəlolət və ro qin kardeye”.
Qahi vaxti çı vəhhabiyon fətvaon miyono veyə çırkinə nəzəon mışohidə bedə və fəğət çəvon sənədon ıme ki,ın əməlon ya əşyo səhobə,tabeyin ya tebeyini tabeyini zəmonədə bə vırə rosney bıəni ya mevcud bıəni.