Təkfiri cərəyanon
Təkfiri cərəyanon
Bənə DAİŞ-i bıə vəhhabi iyən təkfiri cərəyonon palu bidəti dayirə hevujəti dəlilonku qıləyni,çəvon çı şiyə iyən sınni təsdığ kardə de “İbahə” prinsipi mıxolifət be.İbahə luğətədə cayiz və rəvoyət zıney mənoədəy. əmmo,fiğhi istiloh iyən mədəni huğuğədə malik bıey icozə ya bə qıləy feli irtikob bıey və ya qıləy çi məsrəf kardey ya peqətey mənoədəy.bə İbahə usul və prinsipi əsos,çanədə ki,əmr və nəhyi fərmon, qıləy ko həxədə şəryəti tərəfiku təhrim və hərom bıey və ğədəğən bıey sadir bıəni,İbahə əsl və prinsip har qıləy əmr və koyədə İbahəy.bə Ənami mıborəkə surə 119-ə şərifə ayə əsos bo bəyoni ehtiyociş bıə çi muhərrəmat və hərom bıə çiyonin,nəyinki,mubahat və mubah bıə çiyon.islomədə bə əşyo iyən felədə İbahə əməli prinsipi umumiyyət və şomiliyyəti dayirə hevujəti dığğət kardə holədə,bə şəryəti nəssi tərif iyən əsoson dığğət nıkardə holədə har qılıəy nuyə ko bidət hisob kardey,dinədə bidət hisob kardə bıə. vəhhabiyon və təkfiri dastəon bidətonku qıləyni ,çəvon bo peyğombəron iyən salehə şəxson əzodorəti mərosimon bərpo kardey şırk iyən hərom zıneye.əvon jıqo hisob kardedən ki,bo peyğombəron iyən salehə şəxson əzodorəti mərosimon bərpo kardey və həmçinin bəvon ehtırom noey mərosimon dəvordıney cayiz zıneydəni və dinədə bidət və şırk hisob kardedə.....
Təkfiri nəzəku bo islomi əzizə peyğombər(s)-i təvəlludi ruji id qətey və de ın ko əloğədor mərosimon dəvordıney,hərome və dinədə xorafat və bidət hisob kardedən.DAİŞ İraği Mosul şəhrədə bo islomi əzizə peyğombər(s)-i təvəlludi ruji id qətey və şoyvonəti mərosimon dəvordıeny hərom iyən bidət zıneydəbin və bə ım ko əncom doə kəson saxt və şiddətinə cəzo doydəbin.çı təkfiriyon islomi əzizə peyğombər(s)-i təvəlludi ruji id qətey hərom hisob kardeyədə bıə ım səhfə bovə,hejo ıştən dinədə bidət hisob bedə.
Kərimə-Ğıron bo peyğombəron iyən salehə şəxson əzodorəti mərosimon iyən boəvon bəmeyış nəfy və inkorış kardəni.ım osmoniyə kitob yusifi mıborəkə surə 84 iyən 86-ə şərifə ayəonədə ıştə fərzənd Yusif(ə)-i firağədə çandə soron bəmə həzrəte Yəğub(ə)-i şərhe-holi rəvoyətış kardə.joqo ki, hamyedə:”və ğalə ya .....və voteşe:əfsus bo Yusifi! Və çəy har dıqlə çəşon bə ğəmo-ğussə xoto,sipyi(və ku)bıəbe.qıləy holədə ki,ıştə ğəmi ebordıneydəbe.(çəy fərzəndon)voteşone:bə Xıdo ğəssəm ki,tı hejo Yusifi(ə) bə yod dənoydəş tayinki,(oxoyədə)noxəş və ya həlok bəbeyş.voteşe:mı ıştə dardı-ğəmi fəğət bə Xıdo şikoyət kardedəm və Xıdovəndi(inoyətiku) qıləy çi zıneydəm ki,şımə zıneydəniyon”.bəle,Yəğub(ə) çı Yusif(ə)-i firağədə anədə bəme ki,oxoyədə çəy çəşon ku be.Kərimə-Ğıron çı ilahi peyğombər bıə Yəğub(ə)-i həxədə bıə ım macəra nəğl kardedə.əmmo,iyo çə həzrəti ım ko nə şırk zıneydə və nə əy inkor ya mızəmmət kardedə.ım bın mənoədəy ki,Kərimə-Ğıroni nəzəku bəştə əzizonku bə diyəro mandey xoto,bəme və bə ğəmo-ğussə ğərğ bıey,cayiz və bidət ni.umumən boştə nezə odəmon ku bə diyəro mandey və ya boçəvon firaği xoto bəmey,qıləy təbiiyi iyən hissiyə reaksiyəy.dini islom bə bəşəri fitrət iyən təbyəti əsose.liza,insoni bəştə nezə odəmon firaği xoto bəmey,ğədəğən kardedəni.çoko ki, peyğombər(s) həm boştə nezə odəmon iyən əzizon firaği xoto,bəmedəbin iyən ğəmqin bedəbin.....
