Təkfiri cərəyanon
Təkfiri cərəyanon
Təkfiri nəzəku bo islomi əzizə peyğombər(s)-i təvəlludi ruji id qətey və de ın ko əloğədor mərosimon dəvordıney,hərome və dinədə xorafat və bidət hisob kardedən.DAİŞ İraği Mosul şəhrədə bo bo islomi əzizə peyğombər(s)-i təvəlludi ruji id qətey və şoyvonəti mərosimon dəvordıeny hərom iyən bidət zıneydəbin və bə ım ko əncom doə kəson saxt və şiddətinə cəzo doydəbin.çı təkfiriyon islomi əzizə peyğombər(s)-i təvəlludi ruji id qətey hərom hisob kardeyədə bıə ım səhfə bovə,hejo ıştən dinədə bidət hisob bedə.Kərimə-Ğıron bo peyğombəron iyən salehə şəxson əzodorəti mərosimon iyən boəvon bəmeyış nəfy və inkorış kardəni.ım osmoniyə kitob yusifi mıborəkə surə 84 iyən 86-ə şərifə ayəonədə ıştə fərzənd Yusif(ə)-i firağədə çandə soron bəmə həzrəte Yəğub(ə)-i şərhe-holi rəvoyətış kardə.joqo ki, hamyedə:”və ğalə ya .....və voteşe:əfsus bo Yusifi! Və çəy har dıqlə çəşon bə ğəmo-ğussə xoto,sipyi(və ku)bıəbe.qıləy holədə ki,ıştə ğəmi ebordıneydəbe.(çəy fərzəndon)voteşone:bə Xıdo ğəssəm ki,tı hejo Yusifi(ə) bə yod dənoydəş tayinki,(oxoyədə)noxəş və ya həlok bəbeyş.voteşe:mı ıştə dardı-ğəmi fəğət bə Xıdo şikoyət kardedəm və Xıdovəndi(inoyətiku) qıləy çi zıneydəm ki,şımə zıneydəniyon”.bəle,Yəğub(ə) çı Yusif(ə)-i firağədə anədə bəme ki,oxoyədə çəy çəşon ku be.Kərimə-Ğıron çı ilahi peyğombər bıə Yəğub(ə)-i həxədə bıə ım macəra nəğl kardedə.əmmo,iyo çə həzrəti ım ko nə şırk zıneydə və nə əy inkor ya mızəmmət kardedə.ım bın mənoədəy ki,Kərimə-Ğıroni aspektiku bəştə əzizonku bə diyəro mandey xoto,bəme və bə ğəmo-ğussə ğərğ bıey,cayiz və bidət ni.umumən boştə nezə odəmon ku bə diyəro mandey və ya boçəvon firaği xoto bəmey,qıləy təbiiyi iyən hissiyə reaksiyəy.dini islom bə bəşəri fitrət iyən təbyəti əsose.liza,insoni bəştə nezə odəmon firaği xoto bəmey,ğədəğən kardedəni.çoko ki, peyğombər(s) həm boştə nezə odəmon iyən əzizon firaği xoto,bəmedəbin iyən ğəmqin bedəbin.....
Təkfiri vəhhabiyon bə dini yolon və məxsusən peyğombər(s)-i təkrim kardey iyən bə ə həzrəti ehtırom noey qıləy holədə ğədəğən kardedən ki,Kərimə-Ğıron bə peyğombər(s)-i təkrim kardey işorə kardedə və hamyedə:”və rəfə`na ləkə zikrək” yəni əmə ıştı nom və zikrımon barz karde”.Kərimə-Ğıroni Şura mıborəkə surə 23-ə şərifə ayədə mısılmınonku bə peyğombər(s)-i pokə xıyzoni məhəbbət iyən dustəti səmt vanq jeydə və hamyedə:ğul la əsələ...vuji:şıməku bə ın(risoləti) xoto,ğərəz bəçımı nezə odəmon dustətisə co qıləy çi hiçi piyedəmni”. Kərimə-Ğıron de ojə-oşkoə holəti çəməku tələbış kardə ki,bəpe çı peyğombər(s)-i nezə odəmon bıpyəmon iyən bəvon məhəbbət nışon bıdəmon.məhəbbəti ibzor kardey roonku qıləyni ıme ki,peyğombər(s) iyən çə həzrəti pokə avlodon bıə mə`sumə imomon və əhli-beyt(ə)-i vilodət və milodi rujonədə mərosimon bərpokəmon və həmonə rujon çəvon sərquzəşton,islomi royədə bıə cəhdon və confışonətiyonku sıxan bıvotəmon.usulən milləti de bə peyğombər(s)-i iyən bəçəy pokə əhli-beyt(ə)-i məhəbbət nışon doey iyən dustəti ibroz kardey məğsədi jıqo məclison bərpo və təşkil bedə və həmonə məclisonədə iştirok kardə kəson de Kərimə-Ğıron,dini ovliyaon iyən islomi ruşinəkə həyğəton iyən təlimon oşno bəbeyn.aya ın ko şırk iyən bidəte?Həcci mıborkə surə 32-ə şərifə ayədə de təğvaninə dılon vositə çı Xıdovəndi iyən çəy dini şuaron yol qətey elon kardedə.joqo ki,hamyedə:”və mən yuəzzim.....və hakəs ilahi şuaron əziz bıqəto,çən ım(çı)dılon təğvakuye”.bə peyğombər(s)-i ş`ən və məğami təkrim kardey iyən ehtırom noey həm ıştən çı ilahi şuaronku hisob bedə.zira,ım bə milləti imoni zumandəti və aqahəti boyis bedə.peyğombər(s) ıştən həm de qıləy roy vositə çəy vilodəti bərpo kardey məşruiyyət və qanuni bıeyış səhih zınə.joqo ki,Əhli-Sınnəti məşhurə ktobonku qıləyni bıə Səhihe-Muslimi kitobədə bın barədə omə:”suilə....Xıdo-Rəsul(s)-iku çı dışambə ruji rujə qəteyku sıvol be,hamyeşe:bəçəy xotoye ki,mı bə ruji mutəvəllid bıəm və bə ruji Ğıron bəmı nozil bıə”....
