Təkfiri cərəyanon

Təkfiri cərəyanon

Təkfiri vəhhabiyon islomi təlimonku səhih nırəsə və bə inhirofi dıço bıə coqlə nəzəonku qıləyni,təvəssuli mənoye.təvəssul luğətədə ikəsi ya qıləy çi vositə ğərol doey mənoədəy.istilohədə təvəssıliku məğsəd iyən mənzur ıme ki,inson ikəs ya qıləy çi Xıdovəndi palu ğərol doydə ta əv bə Xıdo ğurb iyən nezəti vositə bıbu.təvəssuli tərif Kərimə-Ğıronədə iyən dini  mənbəonədə,bə Xıdovəndi dərqo iyən nezətiro vositə pəydu kardeye....

Vəhhabi cərəyonon iyən təkfiri dastəon,təvəssul iyən peyğombər(s) iyən məsumə imomon(ə) Xıdovəndi palu vositə ğərol doey,hərom iyən əy çı şırki məzhəronku hisob kardedən.çəvon nəzəku bə ovliya iyən ənbiya təvəssul,qıləy koye ki,şəryətədə torıxış bıəni və  əvon ımi bidət hisob kardedən.Muhəmməd bin Əbdul-Vəhab çı təvəssuli həroməti həxədə jıqo nıvıştedə:”əvon ki,bə məlayikə,peyğombəron iyən ilahi ovliyaon təvəssl kardedən və əvoni ıştə şəfii ğərol doydən və deçəy vositə əvoni bə Xıdo dərqo vositə ğərol doydən,çəvon ıştən xun həlol iyən çəvon əmvol mubahe”.səudiyyə ərəbıstoni sabiğ mufti  şeyx Əbdul-Əziz ben Baz təvəssuli cayiz zıneydəni və əy bidət və qıləy şırkamizə əməl zıneydə.səudiyyə ərəbıstoni mufti şeyx Əbdul bin Əbdullah Ali-Şeyx votedə ki,təvəssuli həroməti illət və səbəb ıme ki,peyğombər(s)-i de ın aləmi bıə rabitə çəy maqi bədiqə bırniye bedə.əv bo ikəsi dıvo kardey nibəzıne və har qıləy ko əncom doeyədə acize.binobərin,bə acizi təvəssul ağli cəhəto botıle və bə şırki boyis beydə.....

Təkfiri dastə DAİŞ bəştə səhvə nəzə əsos,şiəyon bə peyğombər(s) iyən Xıdo ovliyaon təvəssuli dəlili xoto, çəvon xuni mubah zıneydən.DAİŞ-i sabiğ sıxanəvot  Muhəmməd Ələdnani çın barədə jıqo votedə: ”şiəyon bəpe kıştey bıbu.əvon bə Əbbos(ə) iyən Fatimə(s) təvəssul kardedən.əvon mışrikin.bəçəvon kəon daxil bıbənən və çəvon səon çəvon bədəmiku cokənən”.təkfiri vəhhabiyon bə Xıdo təğərrıbi vositə fəğət ilahi əsma və nomon zıneydən və coqlə təvəssıli şırk hisob kardedən.ım qıləy holədəy ki,Kərimə-Ğıron iyən islomi-peyğombər(s)-iku rəsə rəvoyətonədə çı təvəssıli həxədə ziyodə sənədon mevcude.  

DAİŞ təkfiri cərəyonon bəştə təvəssıliku bıə səhvə nəzə əsos,şiəyon bə Xıdo peyğombər və ovliyaon təvəssıl kardey xoto,çəvon xuni ru kardey həlol və mubah zıneydən. DAİŞ –i sabiğ sıxanəvot Muhəmməd Ələdnani  bın barədə votedə:”şiəyon bəbe kıştey bıbu.əvon bə Əbbos iyən Fatmə təvəssıl kardedən.əvon mışrikin.bəçəvon kəon daxil bıbənən və çəvon səon çəvon bədəmiku cokənən.təkfiri vəhhabiyon bə ilahi təğərrıb iyən nezəti vositə fəğət ilahi əsma zıneydən və bə co çiyon təvəssıli şırk hisob kardedən.ım qıləy holəy ki,Kərimə-Ğıronədə və islomi peyğombər(s)-i rəvoyətonədə çı təvəssıli həxədə ziyodə sənədon mevcude.Kərimə-Ğıroni ayəonədə mışohidə kardedəmon ki,qıləy saleh və ləyoğətinə insoni Xıdovəndi dərqoyədə bıə məğam və Xıdovəndiku deçəy vositə qıləy çi tələb kardey,de tohdi hiç qıləy ziddiyyətış ni. Xıdovənde-Aləm maidə mıborəkə surə 35-ə şərifə ayədə boştə vositə ğərol doey roonış nışon doə.jıqo ki, hamyedə:”Ya əyyuhəlləzinə....ha imon vardə kəson ha! bə Xıdo pemandənən və bəçəy səmt (bo təğərrıbi xoto)vositə dumo bıbən və çəy royədə cihodkənən,ğasbu şımə nicot pəydukon”.coqləyni nımunə  Yəğub(ə)-i zoon bəştə pı bıə təvəssıle ki,Yusifi mıborəkə surə 97-98-ə ayəonədə omə:ğalu ya əyyuhə.... voteşone ha pı ha!boçəmə qınon xoto,(Xıdoku)məğfırət tələbkə . (Yəğubi) voteşe bə rəyrə boşımə məğfırət tələb bəkardem ki,bərosti əv əbaxş və mehribone