Təkfiri cərəyanon

Təkfiri cərəyanon

Həyğətədə,vəhhabiyon ıştən bə dini bidət daxil kardəşone  iyən bəştə inhirofə təlimon əsos, cinoyətonışon bə vırə rosnə  ki,ımon həm de islomi sulh və ədolət tələb kardə nido və vanqi hiç qıləy nisbətış ni.təkfiri vəhhabiyon nəyinki,şiəyon bəlkəm,deəvon mıxolifət kardə əhle-sınnəti həm  ğətl kardedən və çı şımşiku dəvordıneydən.təkfiri vəhhabiyon mıxolifon çı islomi məzhəbon veyni təşkil doydən.şafeyi məzhəbi yolə alim və mufti şeyx Əhməd Zeyni Dəhlan vəhhabiyyəti çı Muhəmməd bin Əbdullvəhhabi pesoxtə çi zıneydə və  və çəy əğedə barədə votedə:”Muhəmməd bi Əbdulvəhhabi qımonış kardə ki,çəy ixtiro kardə məzhəbiku məğsədış,xolis iyən  şırkiku bə diyəroə tohide və bəçəy fiki əsos millət şəşsa sor bənav mışrik bıən və əv çəvon dinış tojə kardə.ə qıləy kəs bıə ki,çı mışrikon barədə nozil bıə ayəon həömməş,çı əhle-tohidi həxədə təfsirış kardə”.

“Haşiyə ələş-şərhis-səğir” kitobi soyb Əllomə Əhməd Savi Maliki çı vəhhabiyyəti    barədə jıqo nıvıştedə: ”Xıdovənde-Xalığ” vəhhabiyyəti bıkışto ki,har qıləy koyədə əvon mısılmınon təkfir kardedən.jıqo bızın çəvon həmməysə veyə hemmət fəğət mısılmınon təkfir iyən əvoni kofir hisob kardeye.bəçəy xoto vindedəş ki,əvon bə Xıdo-Rəsuli(s) təvəssıl kardə iyən çəyku şəfoət tələb kardə şəxson  təkfir kardedən. əvon həyo karddənin ki,çokonə ıştən çı kofirə devlətonku boştə hocəton və tələbon xoto komək tələb kardedən.qıləy devlət ki,de mısılmınon deşmıne ,deəov canq kardedə və əvoni volo-volo kardə holədəy”.

Səudiyyə Ərəbıstoni  alimonku qıləyni  Muhəmməd bin Ələvi Maliki ki,Məscidul-Həramədə hədis,fiğh iyən torıxi tədrisi kursiş hestebe,çı vəhhabiyon coqləyni tənğıdəkəyonku bə hisob omeydəbe.əv, təkfiriyon rədd kardə ıştə əsəron qıləyniyədə nıvıştedə: “əmə bə əkəson mıbtəlo bıəmon ki,de kufr və şırk iyən de ğeyri-səhihə ləğəb və vəsfon sadir kardey ixtisosışon heste.qıləy vəsfon ki,bə tohid,nıbuvvət iyən islomi peyğombəri(s)  şəhodət doə qıləy mısılmoni loyığ ni.min cumlə kali vəhhabiyon deçəvon məzhəbi ray və nəzəon mıxolif bıə kəson,təhrifəkə,dəccal,çəşbast,bidətçi və nəhoyətən həm mışrik iyən kofir hisob kardedən.bəzi beməxə odəmonku məsedəmon ki,hevujə surətədə  bənə ımi bıə yavə sıxan və kəlməonku oko doydən.qıləy kəlməon ki,fəğət çı kuçə iyən vıjori odəmon zıvoniku sadir beydə.əkəson ki, hesı-pes iyən mıbohisədə çı dəvəti uslub iyən ədəbi təriğə və roy  zıneydənin”.

“Əlovrağul-Bəğdadiyyə fil həvadisin-Nəcdiyyə” risolə  ənıvışt İrağıjə Seyd İbreym Ravi Rifahi Hənəfi ,çı vəhhabiyyət və çəvon cinoyəton barədə jıqo votedə:”vəhhabiyon əkəsonin ki,de mısılmınon bıə canqədə bənə milləti kıştey,çəvon molon ğarət kardey və hətto bənə hırdənon kıştey bıə munkərat və həromonı- şon kardə.əvon bə ın əməlon mırtəkib bıə zəmonədə votedəbin:ımon kofirin və həmçinin çəvon bə dınyo omə fərzəndon həm kofirin.məşhure ki,əvon ğərəz ıştə həmə mıslmınon kofir hisob kardedən.ə mısılmınon ki,peyğombər(s) çəvon barədə hamyəşe ki,mı məmurim cihodkom ta millət bə Xıdo vəhdaniyyət və vohidəti şəhodət bıdon və bə Muhəmmədi(s) risoləti etığodışon bıbu və nımoji bərpokon iyən zəkoti pərdaxtkon,bıdon və çoko ki,jıqo kardeşone çımı tərəfiku çəvon xun iyən mol-əmvolon(illla ki, islom iyən həxə royədə bıbu)məsune və əmonədən və çəvon hisob de Xıdoye.ım rəvoyət Buxari həm nəğlış kardə....