Təkfiri cərəyonon

Təkfiri cərəyonon

Kərimə-Ğıron Nəhli mıborəkə surə 125-ə şərifə ayədə Xıdovənde-Xalığ bə peyğombər(s)-i xitobən hamyedə ki,de hikmət,moyizə və çokə cidoli roy və tərıği vositə cokəson bə Xıdo dini səmt dəvətkə, nəyinki,de canq iyən xun ru kardey vositə.:Udu.......de hikmət və çokə nəsyəti,bəştə pərvərdıqori roy dəvətkə və de əvon de vey çokə şivə istidlol və mınozirəkə.ıştı pərvərdıqor hakəsiku vey çok zıneydə kom kəs ıştə royış dəqıjnə və əv hidoyətkəyon vey çok zıneydə”.

Bə İslomi dəvəti de votemon iyən mızokirə vositə barədə bə Kərimə-Ğıroni oşkoə ayə və nəssi dığğət kardə holədə ,təkfiri cərəyonon de cokəson mızokirə və votemoniku oko doey ğəbul kardedənin.bəçəvon qımoni əsos  de qırd təblıği imtovonon ehanə ikəs ki,holı-hozırədə mısılmon ni,bəpe kıştey bəbu.həni çı mızokirə və votemoni zəmon bə oxo rəsə və qıləy foydəş ni.bəçəvon xəyoli əsos hoziyə əməlon Ğıron iyən dini peqətey bıə və bın bovədən ki,bəpe fəğət de şımşi iyən silohi vositə çəvon deçəvon mıxolifon miyono mıhokimə kardey bıbu.liza de de qırd zu və ğıvvə bəpe de hoziyəti iyən kıştey və ğətlı-ammi məşğuil beydən.hoziyəti iyən vəhşiyonə formaədə kıştey,çı DAİŞ iyən co təkfiri və terrorsitə İrağ,Suriyə və dınyo co noxtəonədə BIƏ STRATEQİYƏONKUYE.əvon bə ın tars və vəhşəti strateqiyə əsos,mısılmınon və co məzhəbi kamə milləton etosnioyedən və ğətlı-am kardedən. təkfiri cərəyonon boştə hədəfon bənasv bardero ısət çı bənav şıey və çı bə dumo pekırey və məğlubiyyəi zəmonədə bıbu,ziyodə  və hevujə şikilədə ğətlı-am və cinoyətonışon kardə.əvon deştə vəhşiyonə formaədə bıə ğətlı-amon sosyal şəbəkəonədə və informasiyə vositəonədə oko doey,çımonku hevujə şikilədə istifodə kardedən.təkfiri dastəon  deştə ım vəhşətnokə cinoyəton təsviron və səhnəon səy kardedən ki,nışon bıdon ıştə deşmınon mıhv kardey iyən etosniye koonədə mıvəffəğ və səbarz bıən.ım odəmi dıli dojniyə təsvir və epizodon əksərən bemıdofiyə jenon,hırdənon və şəhrvandonin ki,hiç qıləy qıno nıkardə holədə ğətlı-am və kıştey beydən.bın səhnəonədə İrağ iyən Suriyədə beqınoə insonon mıxtəlifə şikilədə bənə edom kardey,de çəxo çəvon qıy bırniye,tanqi jiyədə hırd kardey,ehaştey ,bıləndə vıronku saru şodey,sutuney,ovi dılədə ğərğ kardey ,çəvon quşon bırniye  və co işkəncəon vositə kıştey beydən və ğətlı-am beydən,bə nımoyiş noey beydə.çəvon çı şiəyon mığobilədə bıə ım vəhşiyonə iyən cinoyətkoronə hərəkəton ziyodə berəhmonə formədə bə vırə rosney beydə.....

Prinston unversitetədə Miyonə Şərği Mutaliyəon ustod Kol Bunzel,İrağ iyən Suriyədə de DAİŞ-i viositə şiə mısılmınon vəhşiyonə surətədə ğətlı-am və kıştey çı əlğaydə İrağədə bıə rəhbər Əbumusəb Zərğavi çı şiəyon barədə bıə ifroti nəzəriyyəonku peqətey bıey zıneydə.Zərğavi milodi 2004-ə sori fevralə manqi de qıləy nomə vositə bə Əlğaydə rəhbəri nıvıştışe ki,çı şiəyon təhlukə və xətər bəsə amerkə iyən səlibiyonsə vey yole və təkid kardedə ki,fəğət de vaqn iyən kıştey vositə ən xətəri bərtərəf kardey bəbe.