Təkfiri cərəyonon

Təkfiri cərəyonon

Islomi torıxədə omə ki,peyğombər(s) Xeybəriku canqiku oqardey bədiqə,ə həzrəti Usamə bin Zeydış de ihissə  insonon bə ico bə qıləy məntəğə səmt vığandışe ta çəvrə yəhudiyon bə islomi dini dəvətko. yəhudiyonku qıləyni  ki,islomi dinış ğəbul kardəbe,bə mısılmınon və beşe.Usamə jıqo zənnış karde ki, həmonə yəhudi bəştə con iyən moli tarsi xoto,islomış ğəbul kardə və həyğətədə mısılmon ni,əve əvış kışte və çəy mol-əmvolış həm bənə ğəniməti peqəteşe.ım xəbə bə islomi peyğombəri(s) ome rəse.ə həzrət vey norohət be və hamyeşe:Usamə tı qıləy mısılmonı kışte.voteşe:ın merd ıştə coni tarsiku islomış ğəbul kardəbe. peyğombər(s)-i hamyeşe:tı çı konco zıneydəş?tı ki,çəy dıliku aqah nıbiş,ğasbu əv həyğətən həm mısılmon be.bın zəmon be ki,Nisa mıborəkə surə 94-ə şərifə ayə nozil be.ın ayə mısılmınonku tələb kardedə ki,islomi izhor kardə kəson sıxani,rəd məkənən,əvoni de ojə vanqo ğəbulkənən və de maddi niyyəton cokəson təkfir nıkoyn.məbodə bə dınyəvi rədəvardə neməton xoto,islomi izhor kardə fərdon rəddkoyn və əvoni bə ğətl bırosnon və çəvon mol-əmvoli bə ğənimət peqətiyon.qıləy holədə ki,ziyodə ğəniməton Xıdovəndi dərqoyədəy.dıqlə ayə(Nisa mıborəkə surə 93-94) himətamize və muhimmə nuktəonku hikoyət kardedə.iqlə ayədə mısılmınon ğətl de şiddəti ğəbih və bevəc hisob kardey bıə və peşonə ayədə mısılmınon təkfir iyən əvoni kofir zıney nəhy kardey bıə ta iqlə mısılmon coqlə mısılmoni təkfir nıko və çəvon piyo şımşi nıkəşo.həzrəte Muhəmməd(s) həm rəvoyətədə mısılmınon ğətl və kışteyış nəhy kardə və hətto mısılmoni kışteyış de kufri i səviyyədə hisobış kardə.joqo ki,hamyedə:”La tərciu....çımı bəpeştə bə kufr oməqardənən və şıməku qıləyni coqləyni qərdəni nıjəno!.....

Maidə mıborəkə surə 32-ə şərifə ayədə sərih iyən oşkoə formədə omə: “ğərəz xısosi ya de qıləy fəsodi qıno,hakəs qıləy insoni zəminədə bıkışto,bənə ımiye ki,jıqo bızın həmmə millətış kıştə və hakəs ikəsi bəyJiko və maqiku ozodko,bənə ımiye ki,həmmə millətış bəyji kardə”.

Bə Kəriimə-Ğıroni oşkoə ayə əsos de terroristə təkfiri qrupon dasti mısılmon ya ğeyri-mısılmoni kıştey, Xıdovənde-Xalıği dərqoyədə əfv nıbə və yolə qınonkuye.təkfiri dastəon əncom doə hərəkəton de islomi təlimon ziddiyyət təşkil doydə.təkfiriyon boştə hədəfon bənav bardero muhimmə əbzoronku qıləyni de islomi nomi milləti terror kardey be.mısılmon və ğərbi məmləkətonədə təkfiri dastəon de bombəon tıpıney,kamikadze hərəkəton və bə insonon səmt kur-kuronə qullə ğandey vositə,bə islomi çehrə və imici zərbə jıey dumon və dınyo iştimoiyyəti çəşədə eğandedən.ğərbədə islomofob devlət və informasiyə vositəon ıştə siyosi iyən təblıği ərsəonədə maksimal dərəcədə çımiku istifodə kardedən ,ım terrorist və təkfiri qrupon vəhşiyə cinoyətonsə manevr kardedənvə islomi dini bənə qıləy hozi iyən vəhşiyə dini nışon doydən və iştimoyi fikonədə ədolət və mərhəməti din bıə islomi dini çəşonku eğandedən.