Təkfiri cərəyonon

Təkfiri cərəyonon

Maidə mıborəkə surə 32-ə şərifə ayədə sərih iyən oşkoə formədə omə: “ğərəz xısosi ya de qıləy fəsodi qıno,hakəs qıləy insoni zəminədə bıkışto,bənə ımiye ki,jıqo bızın həmmə millətış kıştə və hakəs ikəsi bəyJiko və maqiku ozodko,bənə ımiye ki,həmmə millətış bəyji kardə”.

Bə Kəriimə-Ğıroni oşkoə ayə əsos de terroristə təkfiri qrupon dasti mısılmon ya ğeyri-mısılmoni kıştey, Xıdovənde-Xalıği dərqoyədə əfv nıbə və yolə qınonkuye.təkfiri dastəon əncom doə hərəkəton de islomi təlimon ziddiyyət təşkil doydə.təkfiriyon boştə hədəfon bənav bardero muhimmə əbzoronku qıləyni de islomi nomi milləti terror kardey be.mısılmon və ğərbi məmləkətonədə təkfiri dastəon de bombəon tıpıney,kamikadze hərəkəton və bə insonon səmt kur-kuronə qullə ğandey vositə,bə islomi çehrə və imici zərbə jıey dumon və dınyo iştimoiyyəti çəşədə eğandedən.ğərbədə islomofob devlət və informasiyə vositəon ıştə siyosi iyən təblıği ərsəonədə maksimal dərəcədə çımiku istifodə kardedən ,ım terrorist və təkfiri qrupon vəhşiyə cinoyətonsə manevr kardedən və islomi dini bənə qıləy hozi iyən vəhşiyə dini nışon doydən və iştimoyi fikonədə ədolət və mərhəməti din bıə islomi dini çəşonku eğandedən.

Qıləy holədə ki,təkfiri terroristə qrupon de islom iyən deçəy təlimon hiç qıləy nisbətış ni və Kərimə-Ğıron iyən islomi peyğombər həzrəte Muhəmməd(s) sınnət və ğanunon  nəzəku çəvon kardə koon vey yol və əfv nıbə qononkuye.”Fətk”-i kəlmə rəvoyətədə ənəxəbədo kıştey mənoədəy ki,ımrujnə oko doə bıə kəlməonədə bəy terror votey beydə.rəvoyətədə nəğl bıə ki,Əbu Misbah Kənani bə İslomi peyğombər(s)-i nəvəonku qıləyni və çı şiəyon şəşminə imom bıə İmom Sadığ(ə)-i  ərzış karde:çımı qıləy hamsuyəm heste ki,bə Əmirəl-Muminin Əli(ə)-i dıjmon doydə.şımə icozə bıdənən ki,az çəy ratədə bınıştom və əy bıkıştom.ə həzrəti həmonə odəmış çın koyku nəhyış karde və hamyeşe:”ya əba Səbbah.......ıştı votə ım sıxan fətke və Xıdo-Rəsul(s)-i fətkış nəhy kardə”.......

Coqlə hodisə həm çı terrori ğədəğən bıey barədə bıə islomi dini yolon mevğıyyəti ruşin kardedə.Cəməli canqədə Zubeyr ibn Əvam ki,çı həzrəte Əmirəl-Muminin Əli(ə)-i mığobilədə bıə mandə cəbhə sərkərdə be,canqi şiddətinə zəmonədə meydoniku fərolış karde,vite.qıləy fərdi əvış təğib karde və roy nimədə ənəxəbədə əvış bə ğətl rosne.həzrəte Əmirəl-Muminin Əli(ə) çın mevzuku xəbədo bıey bədiqə vey norohət be və hamyeşe:çəy ğatil bə cəhəndımi əzobi giriftor bəbe.çun,bə qıləy koş dast je ki, peyğombəri(s) əvış nəhyış kardə”.

Peyğombər(s) sınnət və siyrə bə terrori ğədəğən bıey təkid kardedə.Peyğombər(s) hiçvaxti ıştə deşmınonış terror nıkarde və bə hiçkəsi jıqo qıləy koy icozəş nıde.demiyən fərdon ənəxəbədə kıştey və terror kardey  ğədəğəne.ikəs ki,qıləy fərdi kuçə və xiyobonədə terrorko ya çı camaati dəvardə royədə bombə bıno ya de kamikadze roy vositə vıjor,məçit və co iştimoyi məkanonədə idastə beqınoə odəmon bıkışto ımon həmmə çı terrori oşkoə mənoku bə hisob omeydə.islom qırd ım hərəkəton de şiddəti məhkum və rədd karadedə.ım ko bə vırə rosnə kəson həm ğatil,cinoyətkor və canqəkə  zıneydə.islomi dini rəhbəron vey fosid iyən sıtəmkor ki,çəvon kıştey həm cayize,deçəvon ratədə nıştey və əvoni ənəxəbədo bə ğətl rosney ğəbul bıənin hisob kardedənin və deəy ıştə mıxolifətışon nışon doə.ısət bəpe dəparsəmon ki,aya jıqo din icozə doydə ki,kuçə və vıjoronədə bıə beqınoə jen,hırdənvə co addi milləti  ,məçitonədə bıə nımojəvoton və co şəhr və diyon əhali de idastə terroriston dasti kıştey və ğətl-am bıbu? qıləy zəmon ki,”məhdumudəm” yəni çəy kıştey həlol bıə ikəsi de terrori roy vositə cayiz hisob kardedəni, ısət çəy xun ehtıromin bıə insoni terrori və de Kərimə-Ğıroni təbiri çəy kıştey de qırd zəmini dimisə bıə insonon kıştey bərobəre,əy kıştəkəsi əzob dı bərobər bəbe.....