Təkfiri cərəyonon

Təkfiri cərəyonon

Xıdo-Rəsul(s) siyrə və şivə həm bo islomi dini tərədoron  ziyodə təlimon ıştədə ehtivo kardedə. peyğombər(s) bə milləti nisbətədə de buzurquvarə formə rəftor kardedəbe və çəvon bə ə həzrəti bıə behurməti bə çəş vardedənıbe və çı cokəson taxsiku de rahətə formə dəvardedəbe.ə həzrət çı huiçkəsi kin-kudurəti ıştə dılədə oqəteydə nıbe və çəyku intiğom sıey dumo nıbe.peyğombər(s) əfv və baxşeşi bəsə intiğomisə bənav və tərcih qəteydəbe.həzrət Əmirəl-Muminin Əli(ə) hamyedə:”kanə rəsulullah.... Xıdo-Rəsul(s) bəsə həmə kəsisə vey əbaxş be və de milləti muaşirətədə bəsə həmmə kəsisə vey buzurquvar be.yəğbəlu məzirət....uzrxahəti kardə ikəsi uzri ğəbul kardedəbe.hiçvaxti bə bədi de bədi cəvob doydənıbe.bəlkəm,çı milləti yavə və bədə əməlonku de rohəti dəvardedəbe”.vəla yəczi ....çı cokəson cəfo iyən tındə hərəkəton mığobilədə de alicənobəti rəftor kardedəbe.yəsburu ...çı tındə hərəkəton mığobilədə nəyinki,deəy rəftor kardedənıbe və çəy əvəzi beşeydənıbe,bəlkəm əmr kardedəbe ki,qıləy çi bəy ətokon.Uhudi canqədə deməkə ki,Məkkə mışrikon bə peyğombər(s)-i amu seyyiduş-şuhəda həzrəte Həmzə(ə) cənozə ziyodə vəhşiyonəti iyən təhğırışo  karde,əmmo Məkkə fəthi zəmonədə peyğombər(s) bə əbu sufyan iyən hində və bə Ğureyşi co yolon təsəllut və ğələbəş pəydu karde,həni çəvonku intiğomış nıstəne və hətto Əbu Ğutadə Ənsari ki,dılış hestebe bəvon dıjmon bıdo və yavə sıxanko,ə həzrəti əvış çın koyku nəhyış karde,oqətışe.bəlkəm,Məkkə fəthi ruji elonış karde və hamyeşe: ” Əlyəvm.......ımruj rəhmət və mehribonəti ruje...izhəbu...bışənən şımə həmmə ozod bıə kəsoniyon. Xeybəri fəthi ruji bədiqə yəhudiyonku ki,təslim bıəbin və bo ə həzrəti məsmum iyən zəhrinə xorəkışon vığandəbe.əmmo,peyğombər(s) əvonış bəçəvon holi vadoşe və deəvon koş nıbe.qıləy yəhudiyə jen ki,bə ə həzrəti xorəki zəhr eko,bəyış hiççi nıkarde,əfvış karde və əvış bəçəy holi vadoşe.Təbuki ğəzvəku oqardə i dastə mınofiğon bə peyğombər(s)-i coni suyi-ğəsdışon hestebe və çəvon dılışon hestebe  çə həzrəti şatur və mərkəbi rəm bıdon ta bə də suğutko,eqıno.deməkə ki,peyğombər(s) əvonış zıne və çəy həmmə əshobi isrorışon karde ki,çəvon nomon faşko,əmmo ə həzrəti çəvon nomonış foş nıkarde və bəvon hiç qıləy cəzoş nıdoe........

Ə`zəm iyən yolə Peyğombər(s)-i siyrədə dıləsutəti iyən mehribonəti komilə surətədə məşhud iyən oşkoye və Xıdovənd Kərimə-Ğıronədə Şuəra mıborəkə surə 3-ə şərifə ayədə ıştə əzizə rəsuli jıləvoni tevsif və vəsf kardedə.joqo ki,hamyedə:”hərisun....ha çəmə rəsul ha!jıqo bızın tı dılı heste ıştə coni bə imon nıvardə kəson xoto bıə ğəmi şiddəti xoto,bərbod bıdoş”.peyğombər(s)-i nəvə iyən çı şiəyon şəşminə rəhbər İmom Sadığ(ə)   ıştə cədd peyğombəriku(s) nəğl kardedə ki,ə həzrəti hamyəşe: ”əmərəni.... rəbbi...Xıdovəndi bəmı əmrış kardə ta de milləti mıdorokom.çoko ki,vociboton bə vırə rosnedəm.Peyğombəre-Ə`zəm(s) hamyedə:”səlasu...ehanə  ikəsədə seqlə çi nıbu,çəy koy bə oxo nibərəse.vərə`  və təğva ki,əy çı qınoonku oqəteydə.əxloğ,xulğ iyən çokə xosyət ki,deçəy vositə de milləti mıdoroko.səbr iyən həliməti ki,deçəy vositə coyil iyən nodonon dəf kardedə.ısət qırd ım sıfəton kom qıləyni  xosyəton peyğombər(s)-i sınnət və siyrə iddio kardə təkfiri  vəhhabiyonədə mevcude .çəvon zıvon şımşi,ğətlı-am,terror iyən insonon muslə kardeye.