Təkfiri cərəyonon

Təkfiri cərəyonon

Təkfiri terroristə vəhhabiyon rəftoron komilə formədə de Kərimə-Ğıron iyən Xıdo-Rəsul(s) sınnət və siyrə ziddiyyət təşkil doydə.Təkfiri cərəyənon fik,zıvon iyən rəftoron fəğət xuşunət,hoziyəti iyən cinoyəte.əvon bə ın səhvə bovə və etığodi əsos və islomi əslə təlimon əks  əməlon əncom doydən və əvon əslədə islomi təlimon nəfy iyən inkor kardedən.Təkfiri terroristə vəhhabiyon milləti ğətlı-am iyən kışteysə əlovə və çəvon mol-əmvoli ğarət kardeysə əlovə,de şırki mıborizə bardey iyən əy məhv kardey bəhonə   İrağ iyən Suriyədə ziyorətqohon,məçiton iyən co torıxi məkonon xərob kardedən.zohirən çəvon ım təxrib iyən virongərəti  de şırki əsərəon məhf kardey bəhonəy,əmmo ımi çı mısılmonə kişvəron mədəni irson ğarət kardey mənoədə həm zıney lozıme.çoko ki,DAİŞ-i xərob kardey hərəkəton bədiqə İrağ iyən Suriyədə bıə unikal antik və torıxi əsəron veyni de mıxtəlifə vositəon bə ğərbi kişvəron şkırney beydə və bə çə həmonə kişvəron muzeyon bardey beydə.ım nışon doydə ki,ım terroristə dastəon ıştəni de dini şuaron peştono məxfi kardey,ıştə kali mənfəətinə hədəfon dumon.həlbəttə,təkfiri terroristə  qrupon torıxi iyən məzhəbi binon xərob kardey koy vey hevujə şikilədə bə vırə rosnedən.mədəni hoviyyət və şəxsiyyət həmməysə muhimmə şəxsiyyəti cəhəte ki,de umumi surətədə həmmə fərdon bə qıləy dini ayid zıneydə ki,torıxi iyən şəxsiyəti zəminə bə iyande mıttəsil kardedə,dəçokneydə.təkfiri terroristə  qrupon çımisə əlovə əvon islomi dınyoədə ziyodə muşkilayton icod kardeysə əlovə,fərhənqi iyən mədəni cəhətədə həm de islomi mədəni şəxsiyyəti ziddiyyət təşkil doydə.........

Torıxi və məzhəbi məkonon şəxsiyyəti zəminədə  bo mısılmınon miyono bıə rabitə bərğərol kardeyədə ziyodə təsirış heste və əvon həmmə torıxi zəminəonədə bə iyande mıttəsil beydən və dəçıkıdən.islomi hoviyyət və şəxsiyyəti məzhər və simvolonku qıləyni islomi binaonin ki,təkfiri dastəon bəştə ğeyri-rohət və hoziyə nəzəon əsos çı mısılmınon əslə təlimon çı şırki məzhər hisob kardedən və əvoni təxrib kardedən.əvon hiçnıbu 150 qılə ziyorotqo çoqlə kişvərədə yəni İrağ,Suriyə,Tunis iyən Liviyədə təxrib və xərob kardeşone.ımon bə məçiton,ğəbıstonon iyən co məzhəbi məkonon şomil beydə.yəni əvon çı islomi sıftədə bıə şəxsiyyəton,imomzodəon və co elmi iyən dini şəxsiyyəton məzor iyən ğəbon bın çoqlə ərəbi və islomi kişvərədə xərob kardedən.seqlə Suriyə,Tunis iyən Liviyədə ziyorətqohon xərob kardey proses bın kişvəronədə daxili canqon bino bıey bədiqə bə əməl ome.əmmo,İraği kişvərədə ziyorəton təxrib kardey ko,milodi 2004-ə sori de Amerkə vositə çın kişvəri BƏƏS rejimi suğuti bədiqə bino be.

Çın kişvəri şimoli ostanon həm 2014-ə sori de DAİŞ terroristə qrupon vositə işğal kardey bədiqə,əmə bə islomi əsəron və ziyoorətohon təxrib kardey nuyə ləpə şoyd bimon.DAİŞ terroristə qrupon  bo ım mməzhəbi məkonon təxrib və volo kardey xoto,”ğəbon və zərihon təmiz kardey” nomo qıləy batalyonışon təşkil doe.çın batalyoni 300 qılə uzv  İraği Neynəva ostani mərkəz Mosuli şəhir işğal kardey bədiqə de qonə texnikaonku oko doey  de Suriyə iyən İraği məzhəbi iyən torıxi məkonon təxribi koy məşğul bin.əvon bənə həzrəte Yunis,Cərcis iyən Şeys(ə) bıə peyğombəron təbərrıkinə ğəbnışon vırto-volo kardeşone.həzrəte Yunis(ə)-i məğbərə çı Bəğdadi 375 kilometriyədə vağe bıə və çəy torıx bə Hicri-Ğəməri 138-ə sori oqardedə. DAİŞ terroristə qrupon de 30 ton bombə və tıpemoni maddəonku oko doey  “Bil” məşhurə məbədışon ki,2000 sornə Palimeyra məbədi həmməysə yolə qıləyniye və Yuneskoyədə dınyo irson listədə de həmməysə  muhimmə bina nomi ğeyd bıə,əvon ımışon tıpıne və de şiddəti bəy zərəl rosneşone. ..