Təkfiri cərəyanon

Təkfiri cərəyanon

Imruj ehanə ğərbədə de jeni mısovi iyən bərobər qətey nomi,çı bəşəri jimoni həmmə cəhətonədə əvoni bənə qıləy məsrəf bıə məhsuli reklam kardedən və pornoqrafiyə iyən kino sənayeədə çəvonku de bənə qıləy əmtəə cinsi suyi-istifodə kardedən.aləmi bın tərəfədə de İslomi nomi və İslomi qırd təlimaton əks de jeni jıqo rəftor kardedən ki,hiç de heyvonaton həm jəqo rəftoron kardedənin.çı təkfiri qrupon bə jeni bıə nəzə kifoyət kardedə ta  çın anti-islom iyən anti-bəşəri cərəyoni həyğiyə mohiyyət oşko və məlum bıbu.təkfiri dastəon məxsusən çı DAİŞ-i çı jenon barədə bə İslomi zidd və yavə hərəkətonku qıləyni həm cihodi nikohe.Cihodi nikoh inev fətvoy ki,iminə kərə 2013-ə milodi sori Suriyə canqi zəmonədə interneti sosyal  şəbəkəonədə iyən virtual aləmədə  pevolo be.Məhəmməd Ələrifi nomo qıləy vəhhabiyə ruhani ım fətvoş ıştə tvitter səyfədəş sadir karde.tıbğe ım fətvo çı jen iyən kinonku tələb bıə ta əvon bışon Suriyədə çı “mıcohidon” cinsi tələbon bə vırə bırosnon.əvon bo Suriyədə bə Bəşəri Əsədi ələyh de silohi canq kardə kəson komək kardeyro bəpe əyo bışon və deəvon çandə saat izdivoc iyən vəyə bıjon ta çı vəhışti roon boştə həmokon”.

Çın rısvoyçiyə fətvo bədiqə əhlı-sınnəti alimon əksəriyyət bə ın fətvo zidd beşin və əvışon inev zino və fəsod iyən fəhşi tərvicışon hisob karde tayinki,Ərifi bə islomi kişvəron ziyodə təzyiğon xoto,noçor be ıştə fətvoku bə dumo pekıro və elon ki,əv ım fətvoş sadir kardəni.ha holədə Ərifi bımi mane nıbe ki,Suriyədə bıə silohinə ğıvvon əy hərom nızınon,bəlkəm çəvon veyni ijənbə ın fətvo əməlışon karde.de ım fitvo bəhonə dınyo mıxtəlifə kişvəronku veyə moynəon bə dast dəney be və bə Suriyə iyən İrağ vardey be və de cihodi nikohi nomi bənə fayşəon çı təkfiri terroriston ixtiyorədə ğərol doey be.bə Suriyə iyən İraği bardə bıə çı Tunis,Liviya,Çeçenıston iyən Avropə kali kişvəronku bıə kinonku əlovə,DAİŞ terroristə dastə uzvon məcburi iyən  de zu vositə hejo çı İrağ iyən Suriyəku bıə şəhrvandə jenon cihodi nikohışon baste. DAİŞ-i unsuron bə Suriyəvıjə kinon pıon elon kardedən ki,ıştə kinon çəvon ixtiyorədə bınon və ehanə əvon jıqo nıkoyn əvon çı Xıdo deşmon bəbeyn və əvoni maq çəş kardedə.DAİŞ terroristə dastə Mosul şəhri işğal kardey bədiqə,bın şəhrədə bə təloğ doey bıə iyən vevə jenon elon karde rosnşone ki,de İslomi şəryəti icro kardey hədəfi,çəvon imanq mehlətışon heste ta de DAİŞ-i unsuron izdivockon.əve DAİŞ-i unsuron şəhrədə kəbəkə dumo jenon nəveydəbin və votedəbin ki,jenon bəpe  Xıdo noə ğanun iyən peyğombəri(s) sınnəti əsos,de DAİŞ-i unsuron cihodi nikohi ğolibədə izdivockon.təkfiri terroriston  çandə da qılə jenonışon de Mosul şəhrədə de cihodi jikohi mıxolifət nışon doey xoto,edom kardeşone və bə ğətl rosneşone.DAİŞ-i terroristonku qıləyni bıə Əbu uns Əlliibi Fəllucə şəhrədə 150 qılə İrağıjə jen iyən moynəon ki,çəvon kali qıləyni həm homilə be,bə de cihodi nikohi ğəbul nıkardey xoto bə ğətl rosneşe...

Cihodi nikohisə əlovə,Nasir Əlumər nomo qıləy vəhhabi mufti elonış karde:”mıcohidon Suriyədə mıcohidə noməhrəmə jenon nıbə holdə,əvon deştə məhrəmon həm izdivoc kardey bəzıneyn və ehanə bə noməhrəmi dastışon pəydu kardeyışon nızıne,mıcohidon deştə məhrəm iyən hovəon həm izdivoc və vəyə kardey bəzıneyn”.ləvvati nikah iyən nikahun-nəfs çı vəhhabi şeyxon bo İrağ iyən Suriyədə canq kardə təkfiri vəhhabiyon bekardə coqlə fətvoonin.nəyin ki,fəğət islom ,bəlkəm dınyoədə hiç qıləy din iyən  məzhəb həm jıqo şəyton sıfətə əməlon bo ihissə terroriston ıştə cinsi tələbon bərtərəf kardeyro qıləy icozəşon doəni.terroriston nəyinki,fəğət bə islomi təlimon hiç qıləy etığodışon ni,hətto əvoni inson həm hisob kardey mumkin ni.islom bo həmmə çiyon min cumlə izdivoc iyən nikohon komilə surətədə qıləy ğanunış noə və jıəqo niki,qıləy mufti bəştə səhvə bovə əsos islomi təlimonku hukm sadir kardedə və islomi şəkkış nıbə,ruşin iyən şəffofə hukmon əvəzko.