Təkfiri cərəyanon

Təkfiri cərəyanon

Cihodi nikohisə əlovə,Nasir Əlumər nomo qıləy vəhhabi mufti elonış karde:”mıcohidon Suriyədə mıcohidə noməhrəmə jenon nıbə holdə,əvon deştə məhrəmon həm izdivoc kardey bəzıneyn və ehanə bə noməhrəmi dastışon pəydu kardeyışon nızıne,mıcohidon deştə məhrəm iyən hovəon həm izdivoc və vəyə kardey bəzıneyn”.ləvvati nikah iyən nikahun-nəfs çı vəhhabi şeyxon bo İrağ iyən Suriyədə canq kardə təkfiri vəhhabiyon bekardə coqlə fətvoonin.nəyin ki,fəğət islom ,bəlkəm dınyoədə hiç qıləy din iyən  məzhəb həm jıqo şəyton sıfətə əməlon bo ihissə terroriston ıştə cinsi tələbon bərtərəf kardeyro qıləy icozəşon doəni.terroriston nəyinki,fəğət bə islomi təlimon hiç qıləy etığodışon ni,hətto əvoni inson həm hisob kardey mumkin ni.islom bo həmmə çiyon min cumlə izdivoc iyən nikohon komilə surətədə qıləy ğanunış noə və jıəqo niki,qıləy mufti bəştə səhvə bovə əsos islomi təlimonku hukm sadir kardedə və islomi şəkkış nıbə,ruşin iyən şəffofə hukmon əvəzko.Cihodi nikohi mığəddəsə islomi nəzəku botıle və ğəbul bıənin ni.çı jıqo izdivoci ğeyri-şəri bıey muhimmə dəlilonku qıləyni həm ,hiç qıləy iddə nıoqətə holədə həmonə jenon çı mıxtəlifə merdon miyono dast bə dast beydən.cihodi nikohədə bə zəmoni cədvəli əsos iqlə jen i ruji ərzədə çı çandə qılə merdi miyono bə əğd vardey beydə və çəvon jen hisob beydə.bə Kərimə-Ğıron iyən rəvoyəton əsos,izdivoc iyən rabitə ısət ıştə şuyəku de har qıləy dəlili ıştə şuyəku co bıə qıləy jeni məxsusə hukmon və şərayitış heste və bə islomi mubinə dini tərəfiku təyin bıə şərayiti dığğət nıkardə holədə de jıqo jenon izdivoc və vəyə kardey mumkin ni.kulliyə formədə jen ıştə şuyəku co bıey bədiqə,bəpe iddə oqəto.iddə mıddət qıləy zəmone ki,jen ıştə şuyəku co bıey bəpeştə ya çəy bəfoti bədiqə bəpe səbrko ta kardey bızıno ijən sənibəton izdivoc kardey bızıno.iddə zəmon bə jenı-merdi iyandeyku co bıey formə dığğət kardə holədə,tafutine və farğ kardedə.....

Məsələn bo qıləy jen ki,çəy jimoni həmro dınyoku şıə,çı foti iddə ço manq da ruje.əmmo,qıləy jen ki, təloğ bəçəy deçəy şuyə miyono coəti boyis bıəbu,təloği iddə çı ha manqə adətiku se kərə pok bıeye ta kardey bızıno ijən izdivocko.həlbəttə,çın məsələ hukmonış heste ki,çəmə bəhsi çərçivəku xarice. əmmo, de cihodi nikohi nomi çandə qılə terrorist de iqlə jeni hiç qıləy lozım bıə fosilə nıoqətə holətədə,cinsi rabitə bərğərol kardedən.