Имрон Хон уч йиллик қамоқ жазосига ҳукм қилинди
-
Имрон Хон уч йиллик қамоқ жазосига ҳукм қилинди
Покистон суди собиқ бош вазир Имрон Хонни “ҳукумат совғаларини суиистеьмол қилиш” иши бўйича уч йиллик қамоқ жазосига ҳукм қилди.
Покистон ОАВлари бугун (шанба куни) маьлум қилишича, бу мамлакат суди Имрон Хонни беш йилга сиёсий фаолиятдан четлаштириш ва юз минг рупий жаримага ҳукм қилди.
Ушбу хабарга кўра, ушбу ҳолатга кўра, айбланувчи Имрон Хон Бош вазирлик даврида ўзига шахсий фойдаланиш учун берилган совғаларни нотўғри ишлатган; Имрон Хон айбловни рад этди, аммо бу иш судяси Ҳомаюн Делавар уни бу ишда айбдор деб топди ва Имрон Хонни ҳибсга олиш учун ордер берди.
Имрон Хоннинг уч йиллик қамоқ жазоси ҳақидаги хабарни эълон қилгандан сўнг, Реутерс ахборот агентлиги мамлакат хавфсизлик кучлари уни Лаҳор шаҳрида ҳибсга олганини хабар қилди.
Сўнгги ойларда Покистонда Имрон Хон ва унинг тарафдорлари Покистон армияси ва ҳукумати ўртасида зиддият кучайган.
Имрон Хон бир неча бор армия ва ҳукуматни уни сиёсий майдондан олиб ташлашга уринаётганликда айблаб, судга мурожаат қилиш ва асоссиз айбловлар билан уни четлаштиришга уринаётганликларини даьво қилган.
Покистон ҳукумати ва армияси расмийлари Имрон Хоннинг айбловларини рад қилар экан, уни ва унинг тарафдорларини ҳукумат ва ҳарбий идораларга қилинган ҳужумларда айблаб, суд қилинишини талаб қилишди.
Покистоннинг собиқ бош вазири Имрон Хон 2022-йил 10-апрел, якшанба куни парламентда берилган жами 342 овоздан 174 нафари ижобий овоз билан лавозимидан четлаштирилди ва унинг ўрнига Шаҳбоз Шариф келди. Аммо Имрон Хон ўзидан кейинги ҳукуматни тан олишга ҳали рози эмас.
Имрон Хоннинг айтишича, овоз бериш АҚШнинг келишуви билан Покистон армиясининг юқори мартабали генераллари томонидан уюштирилган. Аммо армия буни рад этади.
