Nardaranda Kazino planı ictimai qınaq doğurur
Gültəkin Hacıbəyli: Azərbaycanda bir kazino əskik idi, şükür, o da olacaq!
Keçmiş millət vəkili Nardaran qəsəbəsində kazino planına öz iradını bildirib.
Gültəkin Hacıbəyli öz feysbuk səhifəsində yazıb: “Maaşlara, müavinətlərə, təqaüdlərə, sosial təminata, işsizlik səviyyəsinə görə bölgənin ən geridəqalmış, ən kasıb, ən bədbəxt ölkəsi olan Azərbaycanda bir kazino əskik idi, şükür, o da olacaq!”
Qeyd edək ki, Azərbaycan prezidentinin keçmiş kürəkəni, müğənni Emin Ağalarov Nardaranda kazino açmaq istədiyini və oranı "Las-Veqas"a çevirəcəyini bildirib.
O, bu barədə rusiyalı jurnalist Kseniya Sobçaka verdiyi müsahibədə bunu söyləyib.
“Əgər alınsa, bu SeaBreeze layihəsini bütünlüklə tamamlanmış edəcək”, - deyə E. Ağalarov bildirib.
Ağalarov deyib ki, kazino Nardaran qəsəbəsinin “Abşeronun Las-Veqası”na çevrilməsində ayrılmaz hissə olacaq.
