Միշուստին. Եվրասիական միջկառավարական խորհրդի հաջորդ նիստը տեղի կունենա նոյեմբերի կեսերին Երևանում
Նոյեմբեր 02, 2021 17:37 Asia/Tehran
Եվրասիական միջկառավարական խորհրդի հերթական նիստը նախատեսված է նոյեմբերի կեսերին։
Այս մասին երեքշաբթի հայտարարել է ՌԴ վարչապետ Միխայիլ Միշուստինը Ղազախստանի իր պաշտոնակից Ասկար Մամինի հետ հանդիպմանը, փոխանցում է ՏԱՍՍ-ը։
«Ռուսաստանը եւ Ղազախստանը հաջողությամբ մասնակցում են Եվրասիական տնտեսական միությանը, մենք այսօր կքննարկենք Եվրասիական միջկառավարական խորհրդի հաջորդ նիստի նախապատրաստական աշխատանքները, որը կկայանա նոյեմբերի կեսերին Ղազախստանի նախագահությամբ Երեւանում»,- ասել է Միշուստինը։
Եվրասիական միջկառավարական խորհրդի նախորդ նիստը տեղի է ունեցել օգոստոսին Ղրղզստանում։
Եվրասիական միջկառավարական խորհուրդը կանցկացվի նոյեմբերի 18-19-ը։ Դրա օրակարգն այսօր հաստատվեց Եվրասիական տնտեսական հանձնաժողովի խորհրդի նիստին:
news.am
