Էրաղչի. Հորմուզի նախաձեռնությունն ուղղված է տարածաշրջանում լարվածության նվազեցմանը
Հինգշաբթի օրը, Քուվեյթի արտաքին գործերի նախարարի տեղակալ Խալեդ Ջարոլլահի հետ հանդիպման ընթացքում, Սեյեդ Աբբաս Էրաղչին ընդգծել է տարածաշրջանային երկրների հետ կապերի զարգացման և ամրապնդման Իրանի վճռակամությունը:
Իրանի փոխարտգործնախարարն ասել է, որ Իրանը պարտրաստ է համագործակցել տարածաշրջանի երկրների հետ անվտանգությունն ապահովելու համար և երկխոսությունը համարում է միակ լուծումն այդ համագործակցությանը հասնելու և խնդիրները հաղթահարելու համար:
Ներկայացնելով Իրանի նախագահի կողմից ՄԱԿ-ի ԳԱ-ում ներկայացված Հորմուզի անվտանգության առաջարկի սկզբունքներն Էրաղչին նշել է. «Նախաձեռնությունը լավ շրջանակ է ստեղծում տարածաշրջանային երկրների համար՝ խաղաղության և կայունության, ինչպես նաև երկկողմ և բազմակողմ համագործակցության հաստատման համար»:
Նա ընդգծել է Իրանի պատրաստակամությունը՝ տարածաշրջանի բոլոր երկրների հետ համագործակցության մեխանիզմներ մշակելու հարցում:
Էրաղչին բարձր է գնահատել Քուվեյթի Էմիրի ջանքերը՝ տարածաշրջանում երկխոսության ամրապնդման համար և նշել է.«Երկխոսությունը տարածաշրջանի խնդիրների միակ լուծումն է»:
