Իրանի խորհրդարանի նախագահը քրիստոնյա երկրների խորհրդարանների նախագահներին շնորհավորել է Հիսուս Քրիստոսի Ս. Ծննդյան տոնի կապակցությամբ
Իրանի իսլամական խորհրդարանի նախագահը Հիսուս Քրիստոսի Ս. Ծննդյան տոնի և Ամանորի կապակցությամբ շնորհավորական ուղերձներ է հղել քրիստոնյա երկրների խորհրդարանների նախագահներին: Այս մասին հաղորդում է ԻՌՆԱ լրատվական գործակալությունը:
Իրանի իսլամական խորհրդարանի նախագահ Ալի Լարիջանիի ուղերձում ասված է.«Հիսուս Քրիստոսի մշտապես ավետած նպատակների ներքո խաղաղությունը, արդարությունն ու առաջադիմությունը իրականություն կդառնան աստվածային կրոնների հետևորդների գործակցության ու երկխոսության միջոցով»:
Լարիջանին հավելել է.«Իրանի իսլամական խորհրդարանը խաղաղության ու աստվածային վեհ արժեքների ամրապնդման նպատակով պատրաստ է ցանկացած խորհրդարանական համագործակցության»:
Կաթոլիկ աշխարհը դեկտեմբերի 25-ին նշում է Սուրբ Ծնունդը: Հայ Առաքելական եկեղեցին Սուրբ Ծնունդը նշում է հունվարի 6-ին: