Թեհրանի Հայոց թեմի առաջնորդ. «Գեներալ Սուլեյմանիի նահատակությունը գալիք սերունդների համար բացեց նոր՝ լուսավոր ճանապարհ»
Իրանի ռադիոհեռուստատեսության արտասահմանյան թողարկումների Միջին Ասիայի ու Կովկասի բաժնի գլխավոր տնօրենի և Հայերեն Ռադիոժամի տնօրենի ու աշխատակիցների հետ հանդիպման ժամանակ Թեհրանի Հայոց թեմի առաջնորդ Տ. Սեպուհ արք. Սարգսյանը ցավակցություն հայտնելով ԻՀՊԿ-ի Ղոդս ստորաբաժանման հրամանատար գեներալ Ղասեմ Սուլեյմանիի նահատակության կապակցությամբ ասել է.«Գեներալ Սուլեյմանիի նահատակությունը գալիք սերունդների համար բացեց նոր՝ լուսավոր ճանապարհ»:
Թեհրանի հայոց թեմի առաջնորդ Տ.Սեպուհ արք.Սարգսյանը շնորհավորելով Ամանորի և Ս. Ծննդյան տոների առիթով և ցավակցություն հայտնելով ԻՀՊԿ-ի Ղոդս ստորաբաժանման հրամանատար գեներալ Ղասեմ Սուլեյմանիի նահատակության կապակցությամբ ասել է.«Նահատակները յուրաքանչյուր հասարակության ազնիվ ու նվիրված անդամներն են, որոնք ցույց են տալիս գալիք սերունդների ճանապարհը»:
Թեհրանի հայոց թեմի առաջնորդը ողջունելով հյուրերին և կարևորելով լրատվամիջոցների դերն ասել է.«Հեռուստատեսությունում և ռադիոկայանում աշխատելը պատասխանատու գործ է և բարեբախտաբար Հայերեն Ռադիոժամի տնօրենությունն ու աշխատակիցները կարողացել են լավագույնս կատարել իրենց ուսերին դրված ծանր պարտականությունն ու պատվավոր առաքելությունը»:
Տ.Սեպուհ արք.Սարգսյանը խորը ցավ հայտնելով գեներալ Սուլեյմանիի նահատակվելու կապակցությամբ նշել է.- «Գեներալ Սուլեյմանին շատ հետաքրքիր ու արժեքավոր տեսակետներ ու հայացքներ ուներ»:
Թեհրանի Հայոց թեմի առաջնորդը հավելել է.«Այս օրերին Իրանը սգի մեջ է։ Նահատակվել է նրա ազնիվ ու նվիրված զավակը՝ գեներալ Ղասեմ Սուլեյմանին:Հուսով եմ, հայերեն ռադիոժամը իր ունկնդիրներին ցույց կտա այն ճանապարհը, որով անցել են երկրի նահատակները: Ճանապարհ, որը ցույց է տալիս ճշմարտությունը գալիք սերունդներին:»:
«Ինչպես որ դարեր անց Ս. Վարդանն ու նրա արժեքները կարևոր են հայերի համար , նահատակ Սուլեյմանին էլ պարծանք է իրանցիների համար և համարվում է լուսավոր մարդ: Միլիոնավոր մարդկանց ներկայությունը նրա հուղարկավորությանը, ցույց տվեց, որ գեներալի ճանապարհն ու նպատակներն արդար ու ճշմարիտ են եղել»,ասել է Սրբազան հայրը:
Իրանի ռադիոհեռուստատեսության արտասահմանյան թողարկումների Միջին Ասիայի ու Կովկասի բաժնի գլխավոր տնօրեն՝ Բորհան Հեշմաթին շնորհավորելով Ս. Հիսուս Քրիստոսը ծննդյան տոնի կապակցությամբ ասել է.«Բարձր եմ գնահատում Սրբազանի տեղեկացվածությունը մեր բաժնի աշխատանքների վերաբերյալ: Դա նշանակում է, որ մենք կարողացել ենք մեր ունկնդիրների հետ ամուր կապ հաստատել և որոշակիորեն կատարել մեր առաքելությունն ու պարտականությունները»:
Իրանի ռադիոհեռուստատեսության արտասահմանյան թողարկումների Հայերեն Ռադիոժամի տնօրեն Ալիռեզա Հասանյանը շնորհավորելով Ամանորի և Ս. Ծննդյան տոների կապակցությամբ և առողջություն մաղթելով Սրբազան հորը , ասել է.«Հայերեն ռադիոժամի աշխատակիցները փորձում են հետևելով «արագություն, ճշգրտություն և հավաստիություն» սկզբունքին, նաև սերտորեն համագործակցել Իրանի հայկական թեմերի հետ: Ուստի յուրաքանչյուր առաջարկություն այս համագործակցության վերաբերյալ, ընդունվում է սիրով»:
Հանդիպման ավարտին, Թեհրանի Հայոց թեմի առաջնորդն առողջություն և հաջողություն է մաղթել Իրանի ռադոիհեռուստատեսության բոլոր աշխատակիցներին և աղոթել նահատակ գեներալ Ղասեմ Սուլեյմանիի հոգու խաղաղության համար:
