Իրանը նախազգուշացրել է ՄԱԳԱՏԷ-ի անհիմն հայտարարության կապակցությամբ
Վիեննայում տեղակայված Միջազգային կազմակերպություններում Իրանի դեսպանն ու մշտական ներկայացուցիչը հակազդելով ՄԱԳԱՏԷ-ի նոր զեկույցին ասել է, որ Իրանը փորձում է կանխել ՄԱԳԱՏԷ-ում սխալ պատկերացումների ձևավորումը:
Երեքշաբաթի օրը ՄԱԳԱՏԷ-ն հայտարարել է, որ Իրանը գործակալության դիտորդներինթ ույլ չի տվել մուտք գործել միջուկային երեք օբյեկտներ և չի համագործակցել ՄԱԳԱՏԷ-ի հետ:
Վիեննայում տեղակայված միջազգային կազմակեպություններում Իրանի դեսպան Քազեմ Ղարիբաբադին լրագրողների հետ ճեպազրույցում հայտարարել է, որ դժբախտաբար, ԱՄՆ-ը և Իսրայելի ռեժիմը, ևս մեկ անգամ ճնշում գործադրելով ՄԱԳԱՏԷ-ի վրա, փորձում են խոչընդոտել գործակալության և Իրանի միջև ակտիվ և կառուցողական համագործակցությանը:
Ղարիբաբադին հավելել է, որ Իրանը փորձում է կանխել ՄԱԳԱՏԷ-ում սխալ պատկերացումների ձևավորումը, որոնք հիմնված են լրտեսական գործակալությունների կեղծ տեղեկությունների վրա:
Նա նշել է, որ եթե երկրները համապատասխան քայլեր չձեռնարկեն լրտեսական գործակալությունների կեղծ տեղեկատվության դեմ, նրանց ազգային ինքնիշխանությունը կվնասվի: