Զարիֆ. Իրանն առնվազն 6 անգամ ակտիվացրել է ՀԳՀԾ-ում վեճերի լուծման մեխանիզմը
Իրանի ԱԳՆ Մուհամմադ Ջավադ Զարիֆը, հուլիսի 4-ին Թվիթերում արած գրառման մեջ անդրադարձել է Իրանի կողմից ՀԳՀԾ-ում առկա վեճերի լուծման մեխանիզմի ակտիվացմանն ուղղված քայլերին:
Twitter- ի հաղորդագրության մեջ Զարիֆը գրել է. «Մի հավատացեք քարոզչական հայտարարություններին: Իրանը մինչ այժմ առնվազն վեց անգամ ակտիվացրել է ՀԳՀԾ-ում առկա վեճերի լուծման մեխանիզմը՝ կապված ԱՄՆ-ի ու եվրոպական երկրների կողմից իրենց պարտավորորությունները խախտելու հետ»:
Զարիֆը նշել է նաև վեճերի լուծման մեխանիզմի ակտիվացման ժամկետները: Ըստ այդմ, վեճերի լուծման մեխանիզմն ակտիվացել է
2016թ դեկտեմբերի 16-ին՝ կապված Միացյալ Նահանգների կողմից թույլ տրված խախտումների հետ
2018թ մայիսի 10-ին՝ կապված Միացյալ Նահանգների կողմից թույլ տրված խախտումների հետ
2018 թվականի հունիսի 17-ին` կապված Միացյալ Նահանգների կողմից թույլ տրված խախտման հետ
2018թ նոյեմբերի 6-ին՝ կապված Միացյալ Նահանգների և եվրոպական եռյակի կողմից թույլ տրված խախտումների հետ
2019 թվականի մայիսի 8-ին` կապված Միացյալ Նահանգների և եվրոպական եռյակի կողմից թույլ տրված խախտումների հետ
2020 թվականի հուլիսի 2-ին` կապված եվրոպական երեք երկրների կողմից թույլ տրված խախտումների հետ:
Գրառման վերջում, Զարիֆը հավելել է, որ առաջիկայում կհրապարակի վերոնշյալ դեպքերի կապակցությամբ իր բոլոր նամակները:
ՄԱԳԱՏԷ-ի կառավարիչների խորհրդին եվրոպական եռյակի՝ Բրիտանիայի, Ֆրանսիայի և Գերմանիայի կողմից ներկայացված հակաիրանական բանաձևի ընդունումից հետո, ԵՄ արտաքին քաղաքականության հանձնակատար Ջոզեֆ Բորելին ուղղված նամակում, ԻԻՀ ԱԳՆ Զարիֆը եվրոպական երկրներից պահանջել է գործարդել ՀԳՀԾ-ի 36-րդ հոդվածը և եվրոպացիների կողմից իրենց պարտավորությունների նկատմամբ անհավատարմության հարցը քննել համատեղ հանձնաժողովում: