Վիեննայում մեկնարկել են Իրանի դեմ ԱՄՆ-ի անօրինական պատժամիջոցների չեղարկման շուրջ փորձագիտական բանակցությունները
ՀԳՀԾ-ի համատեղ հանձնաժողովի նիստի մասնակիցների միջև երեկ ձեռքբերված պայմանավորվածության համաձայն, այսօր իր աշխատանքն է սկսել Իրանի դեմ ԱՄՆ-ի դաժան ու անօրինական պատժամիջոցների չեղարկման աշխատանքային խումբը:
«4+1» խմբի ու Եվրամիության ավագ դիվանագետները, և Իրանի Իսլամական Հանրապետության ներկայացուցիչներն իրանական կողմի պնդմամբ համաձայնության են եկել բանակցություններում ԱՄՆ-ի դաժան և անօրինական պատժամիջոցների չեղարկմանն առաջնային տեղ հատկացնելու շուրջ։
Համաձայնություն է կայացել ձևավորել նաև միջուկային հարցերով աշխատանքային խումբ, սակայն Իրանի Իսլամական Հանրապետությունը պնդում է, որ անհրաժեշտ է առաջնահերթությունը տալ պատժամիջոցների չեղրակման օրակարգին։
Եվրամիության արտաքին քաղաքական ծառայության գլխավոր քարտուղարի տեղակալ Էնրիկե Մորան, ով նախագահում է ՀԳՀԾ-ի համատեղ հանձնաժողովի նիստը, դրական է գնահատել հնգամսյա դադարից հետ վերսկսված բանակցությունները: Նա նշել է.«Իրանը վճռական է տրամադրված պատժամիջոցների չեղարկման հարցում»:
Հաղորդվում է, որ պատժամիջոցների վերացման վերաբերյալ փորձագիտական բանակցությունները կշարունակվեն այնքան ժամանակ, որքան անհրաժեշտ կլինի։
