Վիեննայում կայացել է Ալի Բաղերիի և Էնրիկե Մորայի հանդիպումը
Վիեննայի բանակցություններին ամսնակցող երկրների ներկայացուցիչների հետ իրանական պատվիրակության երկկողմ հանդիպումներից հետո, Իրանի փոխարտգործնախարար Ալի Բաղերին հանդիպել է Եվրոպական արտաքին գործողությունների ծառայության գլխավոր քարտուղար Էնրիկե Մորայի հետ։
ISNA լրատվական գործակալության հաղորդմամբ՝ երեքշաբթի, պատժամիջոցների վերացման շուրջ բանակցությունների երկրորդ օրը, պատժամիջոցների վերացման աշխատանքային խմբի շրջանակներում, շարունակվել են փորձագիտական բանակցությունները։
Իսկ այսօր իր աշխատանքը կսկսի միջուկային աշխատանքային խումբը:
Իրանի դեմ ԱՄՆ-ի սահմանած անօրինական պատժամիջոցների չեղարկման աշխատանքային խումբն իր աշխատանքը սկսել է պատժամիջոցների չեղարկման թեմայով ՀԳՀԾ-ի համատեղ հանձնաժողովի երեկվա նիստում ձեռք բերված պայմանավորվածության համաձայն:
«4 + 1 խմբի», Եվրամիության և Իրանի ներկայացուցիչները, երկուշաբթի օրը կայացած հանդիպման ժամանակ համաձայնել են Իրանի այն պահանջի հետ, որ բանակցություններում առաջնահերթությունը պետք է տրվի ԱՄՆ-ի ճնշող և անօրինական պատժամիջոցների չեղարկմանը:
Ձեռք է բերվել նաև համաձայնություն՝ ձևավորել միջուկային աշխատանքային խումբ: Սակայն Իրանը պնդում է, որ պատժամիջոցների չեղարկումը պետք է լինի բանակցությունների առաջնահերթությունը:
