Գեներալ-մայոր Մուսավի. Իրանական 1400 թվականին բանակը զգալի հաջողություններ է արձանագրել
ԻԻՀ բանակի գլխավոր հրամանատարը, Նոռուզի կապակցությամբ հղած ուղերձում հայտարարել է. «Իրանական 1400 թվականին բանակը զգալի հաջողություններ է արձանագրել պաշտպանության, հետազոտության, կրթության, գիտության և մշակույթի ոլորտներում»:
Բանակի հասարակայնության հետ կապերի գրասնեյակի հաղորդմամբ, գեներալ-մայոր Սեյեդ Աբդոլռահիմ Մուսավին, հարգելով նահատակների հիշատակը, Նոռուզի կապակցությամբ շնորհավորել է Իրանի պատվավոր ժողովրդին, հեղափոխության ու իսլամական համակարգի, ինչպես նաև բանակի մարտիկներին ու պաշտպաններին։
Բանակի գլխավոր հրամանատարի ուղերձում ասված է. «Աշխարհն ականատես է լինում պատերազմի, սպանությունների, հակամարտությունների, հիվանդությունների տարածմանը և ամբարտավանների ու «մարդու իրավունքների պաշտպանների» քայլերին, որոնք իրականում ուղղված են մարդկության դեմ:
Իսկ հպարտ Իրանը, կրոնական և հոգևոր համակարգի հաստատման, խելացի ղեկավարության, ասպարեզում ժողովրդի, հեղափոխական ուժերի և զինված ուժերի մշտական ներկայության շնորհիվ, ճնշող պատժամիջոցների և չարամիտների դեմ պայքարելով, հաջողությամբ անցել է զարգացման, անվտանգության ու խաղաղության հաստատման ճանապարհը և կանգնել բոլոր դավադրությունների դեմ»:
Գեներալ Մուսավին հավելել է. «Իրանի բանակը, որպես իսլամական համակարգի պաշտպանության և անկախության ու տարածքային ամբողջականության պաշտպանության հզոր բազուկ, անձնուրաց ծառայողների և մյուս զինված ուժերի աջակցության շնորհիվ, մեծ հաջողություններ է գրանցել պաշտպանության, հետազոտության, կրթության, գիտության և մշակույթի ոլորտներում»:
Ուղերձում նաև ասված է. «Անցնող տարում բանակն անցկացրել է զորավարժություններ, ինչպես նաև կառուցել հետախուզական, մարտական և ոչնչացնող անօդաչու թռչող սարքեր, սուզանավեր, ռադարներ, իրականացրել ռազմավարական, հետազոտական ու կրթական նախագծեր և երկրի անվտանգության ամրապնդմանն ուղղված միջոցառումներ»: