Ամիր Աբդոլլահյանը Գուտերեշի հետ հեռախոսազրույցում նշել է, որ Վիեննայի բանակցություններում համաձայնության կայացումը մոտ է
Իրանի ԱԳ նախարարն ասել է.«Վիեննայի բանակցություններում Իրանի առաջարկները ԵՄ-ի բանակցողի միջոցով փոխանցվել են ԱՄՆ-ին, և այժմ գնդակը Վաշինգտոնի դաշտում է»:
Իրանի արտգործնախարար Հոսեյն Ամիր Աբդոլլահյանը ՄԱԿ-ի գլխավոր քարտուղար Անտոնիո Գուտերեշի հետ հեռախոսազրույցում Վիեննայում ընթացող հակաիրանական պատժամիջոցների չեղարկման շուրջ բանակցությունների հետ կապված վերջին իրադարձությունների վերաբերյալ ասել է. «Բանակցող կողմերը մոտ են համաձայնության կայացմանը, իսկ մնացած հարցերը ԵՄ-ի բանակցողի միջոցով փոխանցվել են ԱՄՆ-ին»:
Նշելով, որ Իրանի Իսլամական Հանրապետությունը կշարունակի աջակցել Եմենի ճգնաժամի լուծմանը և այդ երկրում պատերազմի դադարեցմանը, Ամիր Աբդոլլահյանը հույս է հայտնել, որ հրադադարի հաստատման հետ միաժամանակ ամբողջությամբ վերջ կդրվի Եմենի ժողովրդի շրջափակմանը:
ՄԱԿ-ի գլխավոր քարտուղարը նույնպես կարևորել է Վիեննայի բանակցությունները և հույս հայտնել, որ երկու կողմերը հնարավորինս շուտ համաձայնության կգան։
Շնորհավորելով ռամազան սրբազան ամսվա կապակցությամբ՝ Գուտերեշը հավելել է, որ ՄԱԿ-ի օրակարգում է լինելու «Ռամազանի համերաշխության նախաձեռնություն» ծրագիրը՝ խաղաղության հաստատման և մարդասիրական քայլեր իրականացնելու նպատակով:
