Իրանից Եվրասիա արտահանման ծավալը 15 տոկոսով աճել է
Իրանի միջազգային մաքսային համագործակցության կազմակերպության գլխավոր տնօրենը տեղեկացրել է իրանական 1400 թվականին Իրանից դեպի եվրասիական շուկաներ ապրանքների արտահանման 15 տոկոս աճի մասին։
Իրանի միջազգային մաքսային համագործակցության կազմակերպության գլխավոր տնօրեն Հոսեյն Քախաքին հավելել է.«Իրանը 1398 թվականին համագործակցության և առևտրային փոխանակման համար միության հետ ստորագրել է փոխըմբռնման եռամյա հուշագիր»։
Քախաքին նշել է, որ Ռուսաստանն Իրանի խոշորագույն առևտրային գործընկերն է միությունում և ասել. «Իրանից ԵԱՏՄ անդամ երկրներ ընդհանուր արտահանումը կազմում է մոտ մեկ միլիարդ 170 միլիոն դոլար, իսկ ներմուծման ծավալը՝ ավելի քան 4 միլիարդ դոլար; 1400 թվականին իրանական ապրանքների արտահանումը նախորդ տարվա համեմատ աճել է մոտ 15 տոկոսով»։
Քախաքին հավելել է, որ Իրանը գյուղատնտեսական և բուսական արտադրանք է արտահանում Ռուսաստան, Ղազախստան, Ղրղզստան, Հայաստան և Բելառուս, ինչպես նաև ներմուծում է ցորեն, գարի, եգիպտացորեն և անասնակեր։
