ԻԻՀ գերագույն առաջնորդ. Նահատակ Սոլեյմանիի մեծ գործը եղել է դիմադրության ճակատի պահապանումը, վերազինումն ու վերականգնումը
Իսլամական հեղափոխության գերագույն առաջնորդը նշելով,որ Դիմադրության ճակատին նոր ոգի ներշնչելը նահատակ գեներալ Ղասեմ Սոլեյմանիի շատ ակնառու և հիմնական աշխատանքն է եղել , հավելել է.-«Դիմադրությանը նյութապես, բարոյապես և հոգեպես ամրապնդելով, Գեներալ Սոլեյմանին Սիոնիստական ռեժիմի, ԱՄՆ-ի և այլ կայսերապաշտ երկրների ներազդեցության դիմաց պահպանել, վերազինել ու վերականգնել է այս մշտական և աճող երևույթը»:
Իսլամական հեղափոխության գերագույն առաջնորդի տեղեկատվական կայքի փոխանցմամբ՝ Այաթոլլահ Խամենեին հինգշաբթի օրը գեներալ Սոլեյմանիի հիշատակին նվիրված միջոցառումների կազմակերպման շտաբի անդամների և նրա ընտանիքի հետ հանդիպման ժամանակ, որպես եզակի մարդ Սեյեդ Հասան Նասրոլլահի վկայությունը գեներալ Սոլեյմանիի պայքարի մասին, Դիմադրության վերականգնման գործում գեներալի աշխատանքի կարևորությունն է ցույց տալիս:
Անդրադառնալով սիոնիստների դեմ պայքարում պաղեստինցիների արձանագրած առաջընթացին , և Իրաքում, Սիրիայում ու Եմենում Դիմադրության ձեռքբերումներին, Իսլամական հեղափոխության գերագույն առաջնորդը հավելել է.«Գեներալ Սոլեյմանին օգտագործելով Սրբազան պաշտպանության տարիների փորձը և իր աջակիցների խորհուրդները, հզորացրեց Դիմադրությունը ապավինելով նույն երկրների ներքին հնարավորություններին»։
Գերապատիվ առաջնորդը գեներալ Սոլեյմանիի կարևոր գործերից է համարել ԻԼԻՊ-ի մեծ խմբավորման դեմ պայքարը և նրա շատ արմատների չորացնելը, ասելով՝ Նահատակ Սոլեյմանին այս դեպքում էլ հաջող քննություն հանձնեց:
Գերապատիվ առաջնորդը բարձր գնահատելով Իսլամական հեղափոխության Ղոդս ստորաբաժանման հրամանատար Էսմայիլ Ղաանիի հիանալի գործունեությունն ասել է.«Դիմադրությունն իրեն համարում է Իսլամական Հանրապետության ռազմավարական խորքը և իսլամի թևերը և այս շարժումը հենց այս ուղղությամբ շարունակելու է իր աշխատանքը»:
Նշելով,որ գեներալ Սոլեյմանիի նահատակության երրորդ տարելիցի առիթով ժողովրդի կողմից ինքնաբուխ միջոցառումների կազմակերպումը գեներալ Սոլեյմանիի ազնիվ գործունեության արդյունքն է, Այաթոլլահ Խամենեին հավելել է.«Այս տարի,ինչպես նախորդ երկու տարիները ժողովուրդը բուռն մասնակցություն է բերում հիշատակի արարողություններին»:
Ընդգծելով նահատակների,հատկապես գեներալ Սոլեյմանիի հիշատակը վառ պահելու անհրաժեշտությունը, մեծարգո առաջնորդը նշել է.«Օգտագործելով ամեն տեսակի արվեստներ, պետք է վառ պահել նահատակի հիշատակը և անդրադառնալ նրա անհատական առանձնահատկություններին ու աշխատանքներին»:
Նշենք,որ 2020թ հունվարի 3-ին Բաղդադի օդանավակայանի մոտ ամերիկացի ագրեսոր և ահաբեկիչ ուժերի իրականացրած ավիահարձակման հետևանքով նահատակվեցին Իրաքի կառավարության հրավերով այդ երկիր ժամանած ԻՀՊԿ-ի Ղոդս ստորաբաժանման հրամանատար գեներալ Ղասեմ Սոլեյմանին և Իրաքի «Հաշդ ալ-Շաբի» ուժերի փոխհրամանատար Աբու Մեհդի ալ-Մոհանդեսը և նրանց ութ ուղեկիցները: