ԵՄ-ն ընդգծում է Իրանի հետ բանակցելու և կապ պահպանելու անհրաժեշտությունը
Մարտ 03, 2023 11:24 Asia/Tehran
Կատարի «Ալ Ջազիրա» հեռուստաալիքին տված հարցազրույցում, ԵՄ խոսնակ Պիտեր Ստանոն նշել է, որ միությունում կոնսենսուս կա Իրանի հետ բանակցությունների և շփումների անհրաժեշտության շուրջ։
Այս մասին հայտնում է ԻՌՆԱ-ն, հղում անելով «Ալ Ջազիրա»-ին:
Ստանոն Իրանին կոչ է արել լիարժեք համագործակցել ՄԱԳԱՏԷ-ի հետ:
Ավելի վաղ, Ժնևում ՄԱԿ-ի զինաթափման համաժողովում ունեցած ելույթում, ԻԻՀ ԱԳ նախարար Հոսեյն Ամիր Աբդոլլայանը հայտարարել էր, որ Իրանի միջուկային ծրագիրը լիովին խաղաղ է և շարունակելու է այդպիսին լինել:
Իրանը մշտապես հավատարիմ է եղել և շարունակելու է հավատարիմ մնալ Համապարփակ երաշխիքների համաձայնագրով ստանձնած իր պարտավորություններին:
Պիտեր Ստանոն նշել է, որ Իրանից ակնկալվում է թափանցիկ համագործակցություն գործակալության հետ։
