Իսմայիլ Հանիեն այցելել է Թեհրան և հանդիպել Հոսեյն Ամիր Աբդոլլահյանի հետ
Պաղեստինի իսլամական դիմադրության շարժման (ՀԱՄԱՍ) քաղբյուրոյի ղեկավար Իսմայիլ Հանիեն այսօր կեսօրին ժամանել է Թեհրան և հանդիպել Իրանի արտաքին գործերի նախարար Հոսեյն Ամիր Աբդոլլահյանի հետ։ Հանդիպման ժամանակ կողմերը քննարկել են Գազայի զարգացումները։
Ինչպես հաղորդում է ԻՌՆԱ լրատվական գործակալությունը, Գազայի պատերազմի վերջին իրավիճակի և Գազայի հատվածի ու Հորդանան գետի արևմտյան ափի պաղեստինցիների դեմ Սիոնիստական ռեժիմի շարունակական ագրեսիայի քննարկումը և Հանիեի ու Իրանի պաշտոնյաների միջև բանակցությունները այս ուղևորության կարևորագույն օրակարգերից են։
Պաղեստինցիների դեմ Սիոնիստական ռեժիմի ցեղասպանության ու ռազմական ագրեսիայի մեկնարկից անցնող 6 ամիսների ընթացքում, Իրանի Իսլամական Հանրապետությունն օգտագործել է իր դիվանագիտական ողջ ուժը պատերազմը դադարեցնելու և Գազայի ժողովրդին մարդասիրական օգնություն ուղարկելու համար:
Հանիեի այցը Թեհրան տեղի է ունեցել ՄԱԿ-ի Անվտանգության խորհրդի կողմից Գազայում կրակի անհապաղ դադարեցման անհրաժեշտության մասին բանաձեւի ընդունումից մեկ օր անց։
2023 թվականի հոկտեմբերի 7-ից Գազայի հատվածի տարբեր շրջանների վրա Սիոնիստական ռեժիմի բանակի հարձակումների հետևանքով նահատակվել է 32 հազար 333 և վիրավորվել՝ 74 հազար 694 պաղեստինցի։
«Ալ-Աքսա» փոթորկի գործողությունից և Գազայի վրա Սիոնիստական ռեժիմի հարձակումների ուժեղացումից հետո Իրանի արտգործնախարարը մի քանի անգամ այցելել է Կատարի Դոհա քաղաք և հանդիպում ունեցել Հանիեի հետ և մոտիկից խորհրդակցել նրա հետ այս զարգացումների վերաբերյալ:
2024 թվականի մարտի 21-ին տեղի ունեցած հերախոսազրույցում Իսմայիլ Հանիեն և Ամիր Աբդոլլահյանը քննարկել են Գազայի հատվածի վերջին զարգացումները։