Իրանի ԱԳՆ խոսնակ. Սիոնիստական ռեժիմի ավիահարվածները Սիրիայի վրա սպառնալիք են միջազգային խաղաղությանն ու անվտանգությանը
Իրանի ԱԳ նախարարության խոսնակն ասել է, որ Սիոնիստական ռեժիմի ավիահարվածները Սիրիայի Հալեպ նահանգի տարածքների վրա միջազգային օրենքների ու կանոնակարգերի ակնհայտ խախտում է, ինչպես նաև խախտում է այս երկրի ինքնիշխանությունը և տարածքային ամբողջականությունը և լուրջ սպառնալիք է տարածաշրջանային և միջազգային խաղաղության և անվտանգության նկատմամբ։
Հինգշաբթի երեկոյան Սիրիայի Հալեպ նահանգի տարածքների վրա Սիոնիստական ռեժիմի օդային հարձակման արդյունքում զոհվել են մի շարք սիրիացի զինվորականներ և քաղաքացիական անձինք։
Իրանի Արտաքին գործերի նախարարության տեղեկատվության և մամուլի գլխավոր վարչության հաղորդագրության համաձայն, Իրանի արտաքին գործերի նախարարության խոսնակ Նասեր Քանանի Չաֆին, իր ցավակցությունն ու կարեկցանքը հայտնելով Սիրիայի կառավարությանն ու ժողովրդին, հատկապես այս սարսափելի հարձակումների զոհերի և տուժածների ընտանիքներին, հավելեց, որ Իսրայելի ցեղասպան ռեժիմի հարձակումները Սիրիայի վրա միջազգային օրենքների և կանոնակարգերի բացահայտ խախտում է, ինչպես նաև խախտում է այս երկրի ինքնիշխանությունն ու տարածքային ամբողջականությունը, և լուրջ սպառնալիք տարածաշրջանային և միջազգային խաղաղության և անվտանգության դեմ, ուստի անհրաժեշտ է, որ միջազգային հանրությունը և ՄԱԿ-ի Անվտանգության խորհուրդը, այդ ագրեսիվ հարձակումները դատապարտելուց բացի, ձեռնարկեն կանխարգելիչ միջոցներ և պատասխանատվության ենթարկեն ագրեսոր Սիոնիստական ռեժիմին:
Իրանի դիվանագիտական գերատեսչության խոսնակը հայտարարել է, որ Սիոնիստական ռեժիմի հարձակումները, որոնք միաժամանակ համակարգված են Սիրիայի տարածքների վրա Սիրիայում ահաբեկչական խմբավորումների հարձակումների հետ, ակնհայտորեն ապացուցում է Իսրայելի ահաբեկչական ռեժիմի աջակցությունը Սիրիայում ահաբեկչական խմբավորումների և հոսանքների նկատմամբ, որոնք երկար տարիներ շարունակ սպառնում են Սիրիայի ազգային անվտանգությանն ու տարածաշրջանի անվտանգությանը, և զոհաբերել են հազարավոր անմեղ քաղաքացիների կյանքը իրենց և իրենց աջակիցների չարաբաստիկ նպատակների համար:
Իրանի արտաքին գործերի նախարարության խոսնակը, հիշեցնելով Գազայի հատվածում Սիոնիստ բռնազավթիչ ռեժիմի պարտությունն ու խայտառակումը, ասել է, որ Սիրիայի վրա ագրեսիվ հարձակումները տարածաշրջանում ճգնաժամը շարունակելու և ընդլայնելու հուսահատ և նվաստացուցիչ փորձ են՝ նպատակ ունենալով վերականգնել այս ռեժիմի պարտված կերպարը պաղեստինյան ազգի և դիմադրության խմբերի դիմաց, իսկ այս վտանգավոր արկածախնդրությանը դիմակայելը, որը խախտում է տարածաշրջանի անվտանգությունն ու կայունությունը, միջազգային և համաշխարհային պարտականություն է: