ԻԻՀ ԶՈՒ պատվիրակության ներկայացուցիչները հանդիպել են Օմանի ԶՈՒ ԳՇ պետի հետ
Սահաբ-ԻԻՀ ԶՈՒ ԳՇ միջազգային հարաբերությունների և պաշտպանական դիվանագիտության պետը և Օմանի ԶՈՒ ԳՇ պետը քննարկել են երկկողմ ռազմական և պաշտպանական համագործակցության ընդլայնման հարցը։
Իրանի ռազմական բարձրաստինճան պատվիրակությունը մեկնել է Մուսկատ՝ մասնակցելու Իրան-Օման ռազմական բարեկամության 19-րդ համատեղ հանձնաժողովի նիստին։
ԻՌՆԱ-ի հաղորդմամբ՝ Իրանի պատվիրակության ղեկավար, ԶՈՒ ԳՇ միջազգային հարաբերությունների և պաշտպանական դիվանագիտության պետ Մուհամմադ Ահդին, Օմանի սուլթանության ԶՈՒ ԳՇ պետ Աբդուլլահ բին Խամիս Ալ-Ռաիսիի հետ հանդիպման ժամանակ, ողջունել է երկու երկրների միջև ռազմական և պաշտպանական համագործակցության ընդլայնումը։
Իրանի պատվիրակությունը Մուսկատում այցելել է Ծովային անվտանգության կենտրոն և Օմանի պաշտպանության նախարարության համալսարանի տեխնիկական ֆակուլտետ։
Հոկտեմբերի 14-ին մեկնարկել է Իրանի և Օմանի միջև ռազմական բարեկամության համատեղ հանձնաժողովի 19-րդ տարեկան հանդիպումը, որը կազմակերպվել է Օմանի կողմից։ Երկու երկրների պատվիրակությունները գլխավորել են Մուհամմադ Ահդին և Աբդուլլահ բին Խամիս Ալ-Ռաիսին։
