Իրանի Իսլամական խորհրդարանի պատգամավորներ. Երեք կղզիները հավերժ պատկանում են Իրանին
Սահաբ- Իրանի Իսլամական խորհրդարանի պատգամավորներն արձագանքելով Պարսից ծոցի համագործակցության խորհրդի և Եվրամիության ղեկավարների համատեղ հանդիպման հայտարարությանը, ընդգծել են, որ իրանական երեք կղզիները միշտ եղել են իրանական և հավերժ պատկանում են Իրանին։
Պարսից ծոցի համագործակցության խորհրդի և Եվրամիության անդամ երկրները շարունակելով Մեծ Թոնբ, Փոքր Թոնբ և Բու Մուսա երեք կղզիների վերաբերյալ տարածքային անհիմն պնդումները, չորեքշաբթի (հոկտեմբերի 16-ին) հակաիրանական հայտարարություն են տարածել։
Արձագանքելով Պարսից ծոցի համագործակցության խորհրդի և Եվրամիության հակաիրանական հայտարարությանը՝ Իրանի Իսլամական խորհրդարանի ներկայացուցիչները հայտարարեցին, որ երեք կղզիները միշտ եղել են և լինելու են իրանական։ Այս կապակցությամբ եվրոպական երկրների, ինչպես նաև տարածաշրջանի երկրների գրադարանների ու թանգարանների բազմաթիվ փաստաթղթեր շատ խոսուն են։
Բու Մուսա, Մեծ Թոնբ և Փոքր Թոնբ եռյակ կղզիները, գտնվում են Պարսից ծոցում և Հորմուզի նեղուցի մոտ, որոնք ըստ հավաստի պատմական փաստաթղթերի՝ Աքեմենյան ժամանակաշրջանից Իրանի տիրապետության տակ են եղել և համարվում են Իրանի տարածքի անբաժանելի մասը։