Միաստվածային կրոնների նահատակների ազգային համաժողով Իրանում․Նահատակությունը երախտագիտական հավատարմություն է
Իսլամական հարանվանությունների մերձեցման համաշխարհային ֆորումի գլխավոր քարտուղարն ասել է.-«Այսօր տեղի ունեցող պատերազմները պայմանավորված են աշխարհում տիրող անարդարությամբ»։
«Իսլամական հարանվանությունների մերձեցման համաշխարհային ֆորումի գլխավոր քարտուղար Հոջաթ-օլ-Էսլամ Համիդ Շահրիարին Իրանի հարավում գտնվող Ֆարս նահանգի Շիրազ քաղաքում կայացած Միաստվածային կրոնների նահատակների ազգային համաժողովում ունեցած ելույթում, ճնշումներին դիմակայելը աստվածային կրոնների հետևորդների պարտականությունը համարելով ասել է․-«Մարգարեները բախվել են արդարության թշնամիներին, և պատերազմները, որոնք տեղի են ունենում այսօր, աշխարհում տիրող անարդարության պատճառով են»։ Այս մասին հաղորդում է Pars Today-ը, հղում անելով «Թաղրիբ» լրատվական գործակալությանը։
Իսլամական հարանվանությունների մերձեցման համաշխարհային ֆորումի գլխավոր քարտուղարը նշելով,որ կրոնների խաղաղ գոյակցությունը Իրանում արդարության կարևորագույն դրսևորումներից մեկն է, քննադատել է մուսուլմանների պառակտելուն ուղղված Ամերիկայի և արևմտյան երկրների ջանքերը։
Ֆարսի նահանգապետ Հոսեյնալի Ամիրին ևս այս միջոցառման ժամանակ ունեցած ելույթում նշելով , որ Իրանում միաստվածային կրոնների հետևորդները հավասար իրավունքներ ունեն, ասել է,-«Իրանում իշխանության և կառավարության հարաբերությունները նշանակում են ինքնիշխանություն բոլոր քաղաքացիների ներգրավվածությամբ՝ անկախ կրոնից, դավանանքից, մասնագիտությունից ու էթնիկ պատկանելությունից»։
Այնուհետև Իսլամական խորհրդարանում Իրանի զրադաշտականների պատգամավոր Բեհշիդ Բարխորդարը նշելով, որ իրանցիներն ունեն թանկարժեք և վեհ մշակութային պատմություն, նահատակությունը համարել է երախտագիտական հավատարմություն և ասել.-«Ներկա դարաշրջանում անհրաժեշտ է,որ բոլորս ձգտենք արդարության և այս ուղղությամբ ջանքեր գործադրենք»։
Երկուշաբթի երեկոյան Շիրազում տեղի ունեցավ Միաստվածային կրոնների նահատակների ազգային համաժողովը, որին ներկա էին նահատակների 10 ընտանիքներ, որոնք ներկայացնում էին միաստվածային այլ կրոնների 147 նահատակների։