Ամերիկան ի՞նչ երազ է տեսել Լիբանանի համար
Լիբանանյան Al-Akhbar թերթը հրապարակել է հոդված, որում անդրադարձել է ԱՄՆ նախագահի հատուկ խորհրդականի՝ Բեյրութ կատարած այցի պատճառներին։
Անդրադառնալով ԱՄՆ նախագահի հատուկ խորհրդականի՝ Բեյրութ կատարած այցին, լիբանանյան «Ալ-Ախբար» թերթը գրել է. «ԱՄՆ նախագահ Ջո Բայդենի հատուկ խորհրդական Ամոս Հոխշտեյնը այցելել է Լիբանան, և նրա այցի հետ միաժամանակ, Սիոնիստները շարունակել են իրենց կատաղի հարձակումները Բեյրութում քաղաքացիական կենտրոնների վրա»: Ըստ ParsToday-ի, լիբանանյան այս թերթի հոդվածում ասվում է. «Հոխշտեյնը մինչև Բեյրութ ժամանելը լայնածավալ շփումներ է ունեցել սիոնիստների հետ, և այս ռեժիմի իշխանությունները նրան տեղեկացրել են, որ չեն կնքի իրենց պայմանները չբավարարող որևէ համաձայնագիր, և ոչ մի հրադադար էլ չի լինելու լիարժեք համաձայնությունից առաջ»:
«Ալ-Ախբար» թերթը հավելում է. «Հոխշտեյնն իր թիմի հետ միասին դիվանագիտական լեզվով աշխատել է նախագիծ պատրաստելու վրա, սակայն չի կարողացել գտնել որևէ լուծում, որը թե՛ կբավարարի Իսրայելի ռեժիմի պահանջները, թե՛ կարժանանա Լիբանանի հավանությանը։ Բեյրութ կատարած իր այցից առաջ նա դիվանագիտական խողովակներով, հատկապես Բեյրութում ԱՄՆ դեսպանատան թիմի միջոցով, որը գլխավորում է Լիբանանում ԱՄՆ դեսպան Լիզա Ջոնսոնը, ուղերձ է հղել լիբանանյան մի շարք կողմերին, որ Լիբանանը ի վիճակի չէ երկար բանակցություններ վարելու համար, և եթե նա չընդունի առաջարկը, դա կնշանակի պատերազմի շարունակություն, և Թել Ավիվի հարձակումները կդառնան ավելի կատաղի։
Վկայակոչելով արաբական դիվանագիտական աղբյուրները՝ այս թերթը նշում է. «Հոխշտեյնը 1701 բանաձևի վերաբերյալ ներկայացրել է նոր մոտեցում՝ հիմնված տարբեր սկզբունքների վրա, և այս բանաձեւում առաջարկվող փոփոխությունները չեն սահմանափակվում միայն կատարողական մեխանիզմով։ Ամերիկացի բանագնացն իր հետ ունեցել է մի հոդված, ըստ որի՝ 1701 բանաձեւի նախաբանի տեքստը պետք է փոփոխվի, որպեսզի դառնա բանաձև՝ Լիբանանի և օկուպացված Պաղեստինի սահմաններում խաղաղություն հաստատելու և Լիբանանի սահմանամերձ շրջաններում ցանկացած զինված ներկայությունը կանխելու նպատակով։
Ըստ Al-Akhbar-ի տեղեկությունների, ամերիկացի բանագնացը փորձել է այս բոլորովին անտրամաբանական և միակողմանի առաջարկները այնպես ներկայացնել, որ իբր այս առաջարկը կհետաքրքրի լիբանանցիներին և կստանա առաջընթացի կառավարության վարչապետ Նաջիբ Միքաթիի և Լիբանանի խորհրդարանի խոսնակ Նաբիե Բերրիի նախնական համաձայնությունը, սակայն հաղորդումները վկայում են այն մասին, որ նա դրական պատասխան չի ստացել լիբանանյան իշխանությունների կողմից, ինչը վկայում է այն մասին, որ Հոխշտեյնն արագ չի վերադառնա Լիբանան, բացառությամբ եթե լինեն զարգացումներ, որոնք կստիպեն նրան փոփոխել իր գաղափարները: