ՄԱԿ-ի մարդու իրավունքների թեմայով հակաիրանական բանաձևը քաղաքականացված է
ԻԻՀ ԱԳ նախարարության խոսնակը հատարարել է, որ ՄԱԿ-ի Գլխավոր ասամբլեայի երրորդ կոմիտեի մարդու իրավունքների թեմայով հակաիրանական բանաձևը քաղաքականացված է:
Եերեքշաբթի օրը, հակադարձելով բանաձևի վավերացմանը, Բահրամ Ղասեմին ասել է. «Բանաձևը մշակվել ու վավերացվել է առանց նկատի առնելու Իրանում առկա իրավիճակը և քաղաքականացված է»:
«Իրանը չի ընդունում մարդու իրավունքների հարցն արևմտյան երկրների կողմից աշխարհի անկախ երկրների դեմ որպես քաղաքական միջոց ծառայեցվելը»,-հայտարարել է Ղասեմին:
Հակաիրանական բանաձևի հեղինակների ու կողմնակիցների, այդ թվում ` Կանադայի մասին Ղասեմին ասել է . «Բանաձևին կողմ են քվեարկել երկրներ, որոնք համարվում են ահաբեկչության ու ծայրահեղականության գլխավոր հովանավորները»:
«Իրանը կրոնական ժողովրդավարության վրա հիմնված երկիր է և մշտապես սկզբունքորեն դեմ է եղել ցանկացած տեսակի խտրականության և մարդու իրավունքները որպես քաղաքական միջոց ծառայեցնելուն»,-ընդգծել է Իրանի ԱԳՆ խոսնակը:
ՄԱԿ-ի Գլխավոր ասամբլեայի երրորդ կոմիտեն երեքշաբթի օրը վավերացրեց հակաիրանական բանաձև, "մտահոգություն" հայտնելով Իրանում մարդու իրավունքների վիճակի կապակցությամբ: