Ռոհանին կաևորել է Թեհրան-Մոսկվա համագործակցությունները
ԻԻՀ և Ռուսաստանի նախագահները երկուշաբթի երեկոյան կայացած հեռախոսազրույցի ժամանակ ընդգծել են Սիրիայի ժողովրդին հովանավորություն ցուցաբերելու անհրաժեշտությունը:
Հեռախոսազրույցի ժամանակ Ռոհանին քննադատել է ահաբեկիչների ճիրաններում հայտնված Սիրիայի անմեղ ժողովրդի վիճակի հանդեպ արևմուտքի անտարբերությունը: Նա նշել է, որ Թեհրրան-Մոսկվա համագործակցությունը պետք է ամրապնդվի, իսկ Սիրիայի ժողովրդին ցուցաբերվող սննդային ու դեղորայքային օժանդակությունները շարունակվեն: Ռոհանին նաև նշել է, որ այլ երկրներին ևս պետք է խրախուսել` հումանիտար օժանդակություններ առաքել Սիրիա:
ԻԻՀ նախագահը ողջունել է Մոսկվայում նախատեսված Իրանի, Ռուսաստանի և Թուրքիայի ԱԳ նախարարների նիստը: «Այս նիստը կարող է սատարել Սիրիայի ժողովրդին օժանդակություններ ցուցաբերելու հարցում երեք երկրի համագործակցությանը». ասել է նա:
Հեռախոսազրույցի ժամանակ Ռուսաստանի նախագահ Վլադիմիր Պուտինը նշել է, որ Հալեպ քաղաքից ահաբեկիչների դուրս բերման գործողությունն անցել է բարեհաջող: Նա ընդգծել է այս ուղղությամբ Թեհրան-Մոսկվա համագործակցությունն ու համախոհությունը շարունակվելու անհրաժեշտությունը:
Պուտինը հավելել է, որ ներկա պայմաններում անհրաժեշտ է Սիրիայի ժողովրդին հումանիտար օժանդակությունների ցուցաբերումը: Նա նշել է. «Ներկա ժամանակաշրջանում միջազգային հանրության, այդ թվում Իրանի ու Ռուսաստանի պարտականությունն է պաշտպանել Սիրիայի ժողովրդին և շարունակել նրան ցուցաբերվող օժանդակությունը»:
