Amnesty International կազմակերպությունը կրկնել է իր հակաիրանական հայտարարությունը
Amnesty International միջազգային իրավապաշտպան կազմակերպությունը հրապարակել է իր ամենամյա զեկույցը, որում անդրադարձել է 2016թ. աշխարհի երկրներում, այդ թվում՝ Իրանում, մարդու իրավունքների վիճակին: Amnesty International կազմակերպությունն իր 2016 թվականի զեկույցում Թեհրանին մեղադրել է այսպես կոչված մարդու իրավունքները ոտնահարելու մեջ:
Ինչպես հաղորդում է ԻՌՆԱ լրատվական գործակալությունը, 2016 թվականին աշխարհում մարդու իրավունքների իրավիճակի քննարկման մասին 2017 թվականին հրապարակած զեկույցում Amnesty International կազմակերպությունը նշել է, թե Իրանում քննադատողները բանտարկվում ,իսկ լրատվամիջոցներն էլ ենթարկվում են ցենզուրայի:
Amnesty International կազմակերպությունը նաև Իրանին մեղադրել է արհմիությունների իրավունքները ոտնահարելու, բանտարկյալների նկատմամբ վատ վերաբերմունք ցուցաբերելու ,նրանց կտտանքների ենթարկելու,դատարանների անկախություն չունենալու և կանանց հիմնական իրավունքները ոտնահարելու մեջ:
Մարդու իրավունքների հարցով այդ անհիմն հայտարարություններն այն դեպքում են արվել,երբ Իրանը բազմիցս ընդգծել է մշակութային, գաղափարական, քաղաքական ու տնտեսական ոլորտներում այլ երկրներին իրենց իշխանությունը պարտադրելու նպատակով մարդու իրավունքների հարցը որպես գործիք չօգտագործելու անհրաժեշտությունը:
Իրանի իսլամական հանրապետությունը համոզված է, որ արևմուտքը չարաշահում է միջազգային կառույցների ու հաստատությունների թույլ կառուցվածքը, ինչի արդյունքում հեղինակազրկվել են այդ շրջանակները և չեն կարողանում պաշտպանել մարդկանց իրավունքները:
Իրանում մարդու իրավունքների վիճակի մասին արևմուտքի մարդու իրավունքների կառույցների զեկույցի աղբյուրները հավաստի չեն և առավելապես նրանք օգտվում են Մոնաֆեղին ահաբեկչական խմբավորման անդամներից ու հակահեղափոխականներից:
