Էրաղչին ընդգծեց մարդու իրավունքների հարցում քաղաքական կողմնորոշումներից խուսափելու անհրաժեշտությունը
ԻԻՀ ԱԳ նախարարության իրավական ու միջազգային հարցերով տեղակալ Աբբաս Էրաղչին Ժնևում գումարված ՄԱԿ-ի մարդու իրավունքների խորհրդի նիստում, ասել է. «Մարդու իրավունքների հետ կապված հարցերում պետք է խուսափել քաղաքական կողմնորոշումներից»:
Էրաղչին քննադատելով մարդու իրավունքներն ու ՄԱԿ-ի մարդու իրավունքների մեխանիզմները միջոց ծառայեցնելու որոշ երկրների միտումն, ասել է. «Մարդու իրավունքների խորհուրդը պիտի աշխարհում կառուցողական երկխոսության միջոցով մարդու իրավունքների բնագավառում առաջընթացին ծառայող մեխանիզմ լինի, ոչ թե վերածվի մեղադրանքներ ուղղելու և տարաձայնություններ հարուցելու կենտրոնի»:
«Իրանն իր օրակարգում ունի մարդու իրավունքների հովանավորման ու զարգացման նպատակի իրագործումը և այդ կապակցությամբ բազմաթիվ քայլեր է վերցրել»,-հայտարարել է Էրաղչին, անդրադառնալով Իրանի իսլամական մշակութային ու քաղաքակրթական անցյալին:
Նա հավելել է. «Թեհրանը մշտապես համագործակցել է ՄԱԿ-ի մարդու իրավունքների մեխանիզմների հետ և այդ պատճառով մարդու իրավունքների խորհրդում Իրանում մարդու իրավունքների մասին բանաձև ընդունվելը լիովին անհիմն ու անընդունելի է»:
«Միջազգային հանրությունը չպիտի պասիվ վիճակում Եմենի անմեղ ժողովրդի և հատկապես կանանց ու երեխաների ռմբակոծման ականատես լինի»,-նշեց Էրաղչին ակնարկելով Եմենում մարդու իրավունքների ոտնահարմանը:
Էրաղչին Եմենում արտասահմանյան նախահարձակ ուժերի կողմից հիվանդանոցների, դպրոցների, ու ՄԱԿ-ին պատկանող կենտրոնների ավերումը մարդկության դեմ հանցագործության և պատերազմական ոճրագործության բացահայտ օրինակ է համարել և միջազգային հանրությանը կոչ է արել Եմենի ժողովրդի կոտորածին վերջ տալու և հանցագործությունների հեղինակներին պատասխանատվության կանչելու ուղղությամբ քայլեր ձեռնարկել:
«Պաղեստինի բռնազավթմանը և Իսրայելի ռեժիմի կողմից պաղեստինցիների իրավունքների համակարգված ոտնահարմանն անհապաղ վերջ պետք է պիտի տրվի»,-հայտարարել է Իրանի ԱԳ նախարարն անդրադառնալով զավթված Պաղեստինում տիրող վիճակին: