Իրանում մարդու իրավունքների կապակցությամբ ՄԱԿ-ի զեկուցաբերի հայտարարությունը
Իրանի հարցով ՄԱԿ-ի մարդու իրավունքների խորհրդի զեկուցաբեր Ասեմա Ջահանգիրն Իրանում մարդու իրավունքների վիճակի կապակցությամբ իր առաջին զեկույցում Թեհրանի դեմ անհիմն մեղադրանքներ է ուղղել:
«Ֆարս» լրատվական գործակալության երեքշաբթի օրվա հաղորդման համաձայն` Ասեմա Ջահանգիրն Իրանի մասին իր զեկույցում մտահոգություն է հայտնել, իր խոսքերով. "Իրանում մահապատիժների մտահոգիչ թվի" կապակցությամբ և Թեհրանին կոչ է արել դադարեցնել մահապատժի գործադրումը, ինչը համարվում է միջամտություն երկրի ներքին գործերին:
Ջահանգիրին Իրանին կոչ է արել թափ հաղորդել թմրադեղերի դեմ պայքարի օրենքի բարեփոխման և մահապատիժն այլ պատժամիջոցներով փոխարինելու գործընթացին:
Իր զեկույցում նա հարցականի տակ է դրել Իրանի դատական համակարգի անկախությունն ու ԻԻՀ-ին մեղադրել է խոսքի և անհատական ազատությունների ոտնահարման մեջ:
ԻԻՀ հարցով ՄԱԿ-ի մարդու իրավունքների խորհրդի զեկուցաբերը նաև սահմանափակ ու դանդաղ է բնութագրել Իրանում կանանց ու աղջիկների դեմ խտրականության վերացման բնագավառում արձանագրված առաջընթացը:
Մարդու իրավունքների հետ կապված այս հայտարարություններն արծարծվում են այն պայմաններում, երբ Իրանը բազմիցս ընդգծել է, որ մարդու իրավունքների թեման չպետք է այլ երկրների վրա մշակութային, քաղաքական ու տնտեսական ազդեցություն գործելու համար միջոց ծառայեցվի:
ԻԻՀ ԱԳ նախարարի իրավական ու միջազգային հարցերով տեղակալ Աբբաս Էրաղչին ավելի վաղ Ժնևում գումարված ՄԱԿ-ի մարդու իրավունքների խորհրդի նիստում հայտարարել էր. «Մարդու իրավունքների բնագավառում քաղաքական կողմնորոշումներից հրաժարվելն անհրաժեշտ ու կենսական է»:
Մարդու իրավունքների կառույցների, այդ թվում` Իրանի հարցով ՄԱԿ-ի զեկուցաբերի զեկույցների աղբյուրները վավերական չեն և գլխավորապես հիմնված են հակահեղափոխականների ու Մոնաֆեղին ահաբեկչական խմբավորման հայտարարությունների վրա:
