Զարիֆ. Իրանի անվտանգությունն ու կայունությունը հիմնված է իր ժողովրդի վրա
ԻԻՀ ԱԳ նախարարը երեքշաբթի գիշեր հակազդելով Իրանում ծագած որոշ խռովություններին, իր թուիթերյան էջում գրել է. «Իրանի անվտանգությունն ու կայունությունը հիմնված է իր ժողովրդի վրա»:
Մոհամմեդ Ջավադ Զարիֆը նշել է, որ հակառակ Թրամփի տարածաշրջանային բարեկամ ժողովուրդների, Իրանի ժողովուրդը քվեարկելու և հակառակելու իրավունք ունի: Նա հավելել է. «Այս իրավունքները, որոնք ձեռք են բերվել մեծ զոհողության գնով, պաշտպանվելու են և ներթափանցած տարրերին չի թույլատրվելու բռնարարքներով ու ավերածությամբ ոչնչացնել այդ իրավունքները»:
Անցած հինգշաբթի օրվանից Իրանի որոշ քաղաքների բնակիչներ հանրահավաքներ կազմակերպելով ու կարգախոսներ վանկարկելով բողոքել են ֆինանսական հաստատություններում ներդրած գումարների վիճակը չպարզվելու, ինչպես նաև որոշ ապրանքների գնաճի ու կառավարության թույլ վերահսկողության դեմ: Որոշ դեպքերում, խուլիգանների միջամտության արդյունքում հանրահավաքները խռովության են վերածվել:
Ամերիկացի պաշտոնատարներ, Սիոնիստական ռեժիմն ու օտար ԶԼՄ-ներ շահարկելով ժողովրդային հանրահավաքները փորձեցին դրանք առաջնորդել խուլիգանության ու խռովության ուղղությամբ: