Իրանի ԱԳՆ է կանչվել Թեհրանում Հարավային Կորեայի դեսպանը
Իրանի ԱԳՆ խոսնակը հայտարարել է, որ արտգործնախարարություն է կանչվել Թեհրանում Հարավային Կորեայի դեսպանը:
Հինգշաբթի օրը Բահարամ Ղասեմին ասել է.-«Այն բանից հետո, երբ Միջազգային օլիմպիական կոմիտեի և Samsung ընկերության պաշտոնյաները հայտարարել են որ միջազգային շրջափակումների պատրվակով որոշվել է Հարավային Կորեայում կայացող ձմեռային օլիմպիական խաղերին մասնակցող Իրանի և Հյուսիսային Կորեայի մարզիկներին նվերներ չհանձնել, Թեհրանում գտնվող Հարավային Կորեայի դեսպան Քիմ Սինգհոին կանչվել է արտգործնախարարություն:
Նա հայտարարել է, որ ԱԳ նախարարությունը բողոքել է այս Օլիմպիական խաղերի ոգուն հակասող այս քայլի դեմ:
Թեհրանում Հարավային Կորեայի դեսպանը հայտարարել է, որ այդ խնդրի կարևորության պատճառով փորձել է կապ հաստատել Հարավային Կորեայի կառավարական պաշտոնյաների ու Samsung ընկերության պաշտոնյաների հետ: Վերջիններիս հավաստմամբ, ձմեռային օլիմպիական խաղերին մասնակցող իրանցի և Հյուսիսային Կորեայի մարզիկներին նվերներ չհանձնելու հարցում որևէ միջամտություն չի եղել:
